SQO ákimdiginde kásiporyndardy básekege qabiletti ortaǵa tapsyrý máselesi qaraldy
ASTANA. QazAqparat - Soltústik Qazaqstan oblysynyń ákimi Erik Sultanovtyń tóraǵalyǵymen ótken apparattyq keńeste memlekettik kásiporyndardy básekege qabiletti ortaǵa tapsyrý men M. Qozybaev atyndaǵy Soltústik Qazaqstandyq memlekettik ýnıversıtetiniń ǵalymdary oblystyń ınnovatsııalyq damýy boıynsha ǵylymı jobalaryna qatysý máselesi qarastyryldy, dep habarlaıdy Soltústik Qazaqstan oblysy ákimdiginiń baspasóz qyzmeti.
Birinshi másele boıynsha qarjy basqarmasynyń basshysy Esken Ákimjanov baıandady.
2016-2020 jyldaryna Soltústik Qazaqstan oblysynyń básekege qabiletti ortaǵa tapsyrýǵa usynylǵan uıymdarynyń qataryna 35 uıym qosylǵan bolatyn. Olardyń 23-i kommýnaldyq kásiporyn men «Soltústik» áleýmettik kásipkerlik korporatsııasy» UK» AQ-na 12 enshiles, táýeldi kásiporyn bar», - dedi Esken Myrzahmetuly.
Ústimizdegi jyldyń 13-shi aqpanyna deıin kommýnaldyq menshikte 214 kommertsııalyq uıym bar, olardyń ishinde densaýlyq saqtaý salasynda 31 kásiporyn, sportta - 9, bilim salasynda - 113, mádenıet salasynda - 32, veterınarııa salasynda - 14, turǵyn úı - kommýnaldyq sharýashylyq salasynda - 3, sondaı-aq 12 ózge de uıym bar.
Bul másele boıynsha oblys ákimi ár nysan boıynsha jospar daıyndap, ár aıdyń basynda apparattyq keńeste nátıjeleri boıynsha esep berýdi tapsyrdy.
M.Qozybaev atyndaǵy SQMÝ rektory Serik Ómirbaev ekinshi másele boıynsha baıandady.
Onyń aqparaty boıynsha, búgingi kúni ýnıversıtet ǵalymdary 14 ǵylymı joba boıynsha jumys jasaýda. Zertteý jumystary aýyl sharýashylyǵy, aqparattyq jáne telekommýnıkatsııalyq tehnologııalar, ekologııalyq taza azyq-túlikterdi shyǵarý, tabıǵı resýrstardy tıimdi paıdalaý, energetıka men mashına jasaý, hımııa men hımııa ónerkásibinde, dárilik jáne bıologııalyq belsendi dári-dármekter, astrofızıka men fızıkada, tarıhta, arheologııada, fılosofııada, saıasattaný salasynda júrgiziledi.
«Barlyq ǵylymı zerttemede zerttemeniń ózi emes, onyń tájirıbede qoldanylýy mańyzdy», - dedi Erik Sultanov.
