SQO ákimdigi Qytaımen baılanysty kúsheıtpek
PETROPAVL. QazAqparat - Astanadaǵy qazaqstan-qytaı forýmy aıasynda SQO men Shansı provıntsııasynyń «Ishebeı» ǵylymı-tehnıkalyq korporatsııasy arasyndaǵy yntymaqtastyq týraly memorandýmǵa qol qoıyldy «QazAqparat» HAA tilshisi.
«Oblys ekonomıkasy damytý úshin Qytaıdyń 40-tan astam iri óńdeýshi kásiporyndaryn tartqymyz keledi. Sondaı-aq óńdeýshi sala, mashına jasaýda yntymaqtastyq týraly kelisimge kelýdi kózdeımiz. Bul Qytaıdan qosymsha ınvestıtsııa tartýǵa jáne eki arasyndaǵy taýar aınalymyn ulǵaıtyp, qosymsha jumys oryndaryn ashýǵa múmkindik jasaıdy», - dedi SQO ákiminiń orynbasary Dáýren Jandarbek.
«Biz Qazaqstanǵa óz tehnologııalarymyz ben jabdyqtarymyzdy ákelgimiz keledi. Sóıtip taraptarǵa tıimdi múmkindikterdi ashqymyz keledi», - dedi «Lýan» kompanııasynyń atqarýshy dırektory Lıý Tszıýn.
Aıta keteıik, «Lýan» taý-ken kompanııasy Shansı provıntsııasynyń bes iri kómir korporatsııalarynyń biri. Kompanııanyń jyldyq aınalymy 20 mln ıýan.
