SQO ákimdigi qar ústine tóselgen asfaltqa qatysty jaǵdaıdy túsindirdi
PETROPAVL. QazAqparat – Soltústik Qazaqstan oblysynda Sybaılas jemqorlyqqa qarsy qyzmet Aıyrtaý aýdanyndaǵy aýyl joldarynyń birine asfalttiń qar ústine tóselgenin anyqtady, dep habarlaıdy QazAqparat tilshisi.
Sybaılas jemqorlyqqa qarsy qyzmettiń málimetinshe, Aıyrtaý aýdanyndaǵy Kamennyı Brod eldi mekenine jol tóseýde tıisti tehnologııa saqtalmaǵan. ıAǵnı «Komplekt-Azııa-Servıs» JShS asfalt tóseý jumystaryn -15 gradýs aıazda istegen. Sonyń saldarynan materıal jerge tóselgenge deıin qatyp qalǵan.
SQO ákimdiginde qar ústine asfalt tóseý jaǵdaıy boıynsha túsinik berdi.
«Aıyrtaý aýdany Kamennyı Brod eldi mekeni mańyndaǵy jol ýchaskesinde barlyq tıisti jumystar belgilengen merzimde, temperatýralyq rejımdi jáne qurylys talaptary saqtala otyra atqaryldy. Budan basqa «Komplekt-Azııa-Servıs» JShS smetalyq qujattan bólek, óz qarajatyna kelisilgen ýchaskeden basqa joldardaǵy jáne onyń jıegindegi shuńqyrlardy eski asfaltpen japty. Monıtorıngtik top osy joldardy baıqap, eskertý jasaǵan. Kelisim boıynsha merdiger kompanııa salynǵan jolǵa eki jylǵa kepildik mindetteme berdi», - deıdi oblystyq ákimdiktegiler.
Buǵan deıin Petropavlda qar astyndaǵy shópti shapqandar áleýmettik jelide kópshiliktiń qyzý talqysyna túsken edi.
