SQO: 8 jyl toqtap turǵan «Bıohım» zaýyty qaıta iske qosylady
PETROPAVL. QazAqparat - Soltústik Qazaqstan oblysynda 3 jyl ishinde ónerkásiptik óndiris kólemin 100 mlrd teńgege arttyrý josparlanǵan, dep habarlaıdy QazAqparat tilshisi.
Óńirdiń ónerkásip salasynda kúrdeli jaǵdaı týyndady. Bir jaǵynan turaqty damý bar. ıAǵnı, 7 aı ishinde ónerkásiptegi deńgeıi 3 paıyzǵa artqan. Ekinshi jaǵynan 4 iri mashına jasaý zaýytynda óndiris kóleminiń úshten bir bóligi azaıǵan.
«Ótken jyly Úkimet aldynda Kırov jáne Petropavl aýyr mashına jasaý zaýyttaryn 6,7 mlrd teńgege tehnologııalyq jańǵyrtý jóninde máseleni alǵa tartqanymdy aıtqanmyn. Másele sheshildi. Aqsha bólindi. Alǵashqy 3,3 mlrd teńge zaýyttarǵa bıyl túsetin bolady. Bul jańa stanoktar alýǵa múmkindik jasaıdy», - dedi Soltústik Qazaqstan oblysynyń ákimi Qumar Aqsaqalov.
Óńir basshysynyń aıtýynsha, óndiris salasynda birqatar jobalar júzege asady. Sondaı-aq, transformatorlyq, vagon jasaıtyn zaýyttar, aǵash óńdeý boıynsha kásiporyndar ashylady.
Qyrkúıektiń ortasynda Taıynsha aýdanyndaǵy 8 jyl jumys jasamaı turyp qalǵan «Bıohım» zaýyty qaıta iske qosylady. Bıyl ónerkásipter úshin krahmal men glıýten alynady.
«Jańa ınvestor 5 mlrd teńge quıdy. Zaýyttyń 8 jyl ishinde túk qalmaǵan. Shoshqa fermasy men múlde iske qosylmaǵan et kombınaty jumys jasamaı turyp qalǵan. Reseı men Germanııadan shoshqalardyń birinshi partııasyn jetkizdik. Ázirge 2 myń basy bar. Kelesi jyly ferma tolyp, et kombınaty iske qosylady», - dedi Q. Aqsaqalov.
Jergilikti bılik ókilderiniń baǵamdaýynsha, barlyq kásiporyndardyń jumysy 2022 jylǵa qaraı ónerkásip salasyndaǵy óndiris kólemin 240 mlrd teńgeden 350-ge deıin kóterýge múmkindik beredi.
Foto: www.graintek.ru
