SQO 4 mln gektarǵa egin egý josparlanyp otyr
ASTANA. QazAqparat - Soltústik Qazaqstan oblysy 4 mıllıon gektar jerge egin egý josparlanǵan. Mańyzdy naýqandy bastamas buryn jergilikti dıhandar bas qosyp, ortaq máselelerdi pysyqtady, dep habarlaıdy «Astana » telearnasy.
Dándi jáne maıly daqyldardan bólek, burshaq tuqymdastar sońǵy 3 jylda 5 ese kóbeıgen. Teriskeılikter áli de bıdaıǵa basymdyq berýde, úlesi shamamen 70 paıyzdy quraıdy. Sheneýnikterdiń aıtýynsha, aımaq dıqandary tuqym qorymen tolyq qamtylǵan. Qoımada saqtalǵan 490 myń tonna tuqymnyń 90 paıyzy - birinshi jáne ekinshi surypty dánder.
Byltyr óńir dıqandary 5 mıllıon tonnadaı astyq jınap, rekordty kórsetkishke qol jetkizdi. Dándi jáne maıly daqyldardy, un ónimderin eksporttaýdan 300 mıllıon dollar paıda túsken.
«Kóktemgi dala jumystarynyń sátti ótýi tehnıka parkiniń daıyndyǵyna tikeleı baılanysty. Bıylǵy egistik naýqanyna 13538 traktor, 15931 bıdaı sepkish tehnıka jáne 1170 joǵary ónimdi keshender qatyspaq. Bul keshender egistik alqaptarynyń 70 paıyzyn ıgeredi. Búginde óńirde tehnıka 95 paıyzǵa ázir», - deri oblys ákiminiń birinshi orynbasary Aıdarbek Saparov.
