SQO: 270-ten astam otbasy balalaryna ekpe jasatýdan bas tartqan
PETROPAVL. QazAqparat - Soltústik Qazaqstan oblysynda 270-den astam otbasy balalaryna ekpe jasatýdan bas tartqan, dep habalaıdy QazAqparat tilshisi.
Bul týraly óńirlik kommýnıkatsııalar qyzmetindegi brıfıngte Qoǵamdyq densaýlyq saqtaý departamentiniń basshysy Serikbaı Qasqamasov aıtty.
Vaktsınatsınalaýdan bas tartýǵa adamdardyń jeke bas pikiri, buqaralyq aqparat quraldarynyń ekpeniń jas aǵzaǵakeri áseri jaıynda taratatyn aqparaty sebep bolyp jatady. Sanıtarlyq dárigerdiń aıtýynsha, dinı turǵydan bas tartyp jatatyn jaǵdaılar az kezdesedi.
«Memleket halyqty, balalardy qorǵaýǵa qarajat bóledi, alaıda keıbir ata-analar bilmestikten nemese jeke sebeptermen balanyń ekpe alýyn shekteıdi. Sol úshin biz túsindirý jumystaryn júrgizip jatyrmyz. Byltyr bas tartqandardyń ishinen 190 adamǵa ekpe jasadyq, degenmen jańadan bas tartýshylar shyǵyp jatyr», - dedi S. Qasmaqasov.
Dáriger 22 ınfektsııaǵa qarsy profılaktıkalyq ekpelerdiń egilip jatqanyn aıtty.
«Infektsııaǵa qarsy ekpe sábı týyla sala jasalyp, 56 jasta toqtatylady. Eresekter qaýymy 26, 36, 46 jáne 56 jasta dıfterııaǵa qarsy egiledi. Keı jaǵdaılarda ártúrli jaraqattar alǵan eresek adamdarǵa sirespe aýrýyna, qutyrýǵa qarsy ekpe jasalady», - dep atap ótti S. Qasmaqasov.
