SQO: 20 jastaǵy jigit sýǵa ketip, ajal qushty
PETROPAVL. QazAqparat - Sońǵy táýlik ishinde Soltústik Qazaqstan oblysynda taǵy bir adam sýǵa ketti, dep habarlaıdy QazAqparat tilshisi.
Oblystyń Tótenshe jaǵdaılar departamentiniń málimetinshe, 20 jastaǵy jigit M. Jumabaev aýdanyndaǵy Proletarka aýylynyń jasandy sý qoımasyna batyp ketken.
«Qaıǵyly oqıǵa qaýipti ári tyıym salynǵan jerde shomylǵandyqtan bolyp otyr. Kýágerlerdiń aıtýynsha, jigit mas kúıinde sýǵa túsken. Ol - jyl basynan beri ajaly sýdan bolyp otyrǵan osymen besinshi adam», - deıdi baspasóz qyzmetindegiler.
Óńirde aýa raıy temperatýrasy joǵary kóterilip, kún qatty ysyp ketken. Sýǵa shomylýǵa keletinderdiń sany kún sanap artyp keledi. Qutqarýshylar Soltústik Qazaqstan turǵyndaryn sýda qaýipsizdik sharalaryn saqtaýǵa, mas kúıinde shomylmaýǵa, sondaı-aq, balalardy qaraýsyz qaldyrmaýǵa keńes beredi.
