Sklıar nemis kompanııalarymen qorshaǵan ortany qorǵaý salasyndaǵy birlesken jobalardy talqylady

NUR-SULTAN. QazAqparat – Qazaqstan Respýblıkasy Premer-Mınıstriniń orynbasary Roman Sklıar nemis kompanııalarynyń basshylarymen kezekti onlaın-kezdesý ótkizdi, dep habarlaıdy primeminister.kz.

Kezdesý taqyryby qorshaǵan ortany qorǵaý jáne sý resýrstary salasyndaǵy ekijaqty ekonomıkalyq jobalar boldy. Nemis tarapynan Germanııa ekonomıkasynyń Shyǵys komıtetiniń tóraǵasy Olıver Germes jáne Germanııa Federatıvtik Respýblıkasynyń Syrtqy ister mınıstrliginiń Memlekettik hatshysy Berger Mıgel qatysty.

Onlaın-kezdesýge Siemens, BASF, Henkel AG & Co. KgaA, WILO SE, LLP C. Spaarmann, Becker Mining Europe GmbH, Svevind Energy GmbH, Robert Bosch sııaqty 100-ge jýyq jetekshi nemis kompanııalary qatysty.

Óz sózinde Roman Sklıar ónerkásiptik óndiris, mashına jasaý, energetıka, jańartylatyn energııa kózderi jáne t.b. salalardaǵy birlesken jobalardy iske asyrý máselelerindegi tabysty yntymaqtastyqty atap ótti, sondaı-aq qazaqstandyq taraptyń ekologııa jáne tabıǵı resýrstar máseleleri boıynsha yntymaqtastyqty jolǵa qoıýǵa daıyn ekendigin bildirdi.

Nemis kompanııalary klımattyń ózgerýine qarsy kúres, qaldyqtardy joıý, Aral teńiziniń qurǵaýyna baılanysty ekologııalyq apatpen kúresý, sondaı-aq aýyz sýmen qamtamasyz etý sekildi salalarda yntymaqtastyq ornatýǵa shaqyryldy. Kezdesý sońynda pikirtalas ótti, onda qatysýshylar atalǵan máselelerdi iske asyrý sharalaryn talqylady.