Keler jyly IKAO prezıdenti Salvatore Shakkıtano Qazaqstanǵa keledi
ASTANA. KAZINFORM — QR Premer-mınıstriniń birinshi orynbasary Roman Sklıardyń IKAO EUR/NAT aımaqtyq dırektory Nıkolas Rallomen kezdesýi ótti, dep habarlaıdy Azamattyq avıatsııa komıteti baspasóz qyzmeti.
Qazaqstandaǵy IKAO aptalyǵy aıasynda QR Premer-mınıstriniń birinshi orynbasary Roman Sklıar IKAO Eýropalyq jáne Soltústik Atlantıkalyq bıýrosynyń aımaqtyq dırektory Nıkolas Rallo myrzamen kezdesti.
Kezdesý barysynda IKAO-men ushý qaýipsizdigin, avıatsııalyq qaýipsizdikti qamtamasyz etý jáne azamattyq avıatsııa salasynyń turaqty damýy salasynda yntymaqtastyq máseleleri talqylandy, sondaı-aq 2025 jyldyń shildesinde IKAO Prezıdenti Salvatore Shakkıtano myrzanyń resmı sapary kútiletini týraly aıtyldy.
Aıta keteıik, Halyqaralyq azamattyq avıatsııa uıymy (IKAO) 1944 jyly azamattyq avıatsııa salasynyń jumys isteýi men damýyn qamtamasyz etý maqsatynda qurylǵan BUU úkimetaralyq mamandandyrylǵan mekemeleriniń biri qazirgi ýaqytta 193 eldi biriktiredi.
Buǵan deıin Roman Sklıar men RF energetıka mınıstri Sergeı Tsıvılev energetıka salasyndaǵy yntymaqtastyqty talqylaǵany belgili boldy.
