Sklıar Iran Prezıdentiniń sapary jaıynda: eki el arasynda paıdalanylmaǵan áleýet mol
ASTANA. KAZINFORM — Premer-mınıstrdiń birinshi orynbasary Roman Sklıar Iran Islam Respýblıkasynyń Prezıdenti Masýd Pezeshkıannyń elimizge resmı saparyna oraı pikir bildirdi.
— Bizde ekijaqty yntymaqtastyqta paıdalanylmaǵan múmkindikter óte mol. Bul el — Kaspıı teńizi arqyly kórshimiz. Osynaý áli de júzege asyrylmaǵan áleýetti paıdalaný úshin bizderge belsendi túrde jumys isteý qajet, — dedi Roman Sklıar Aqordada BAQ ókilderiniń saýalyna oraı.
Buǵan deıin Aqordada Memleket basshysy Qasym-Jomart Toqaev elimizge resmı saparmen kelgen Iran Islam Respýblıkasynyń Prezıdenti Masýd Pezeshkıandy qarsy alǵanyn jazǵan edik.
Qazirgi ýaqytta taraptar joǵary deńgeıdegi kelissózder júrgizip jatyr. Onyń barysynda saýda-ekonomıkalyq, kólik-logıstıka jáne mádenı-gýmanıtarlyq salalardaǵy qazaq-ıran yntymaqtastyǵyn odan ári nyǵaıtý máseleleri talqylanbaq.
Buǵan deıin Kazinform-nyń analıtıkalyq sholýshysy Astana men Tegeran arasyndaǵy kelissózdiń astaryna úńilip kórgen edi.