Skills Enbek: tegin onlaın kýrstar arqyly myńdaǵan qazaqstandyq kásibin jetildirýde
ASTANA. KAZINFORM – 2025 jyldyń basynan beri 260,1 myń azamat, onyń ishinde 42,2 myńǵa jýyq jumyssyz Skills Enbek kásiptik oqytý platformasynda onlaın-kýrstardan ótkeni týraly sertıfıkattar aldy.
Platformada barlyǵy 801,3 myń qazaqstandyq tirkelgen, onyń 302,6 myńy – 2025 jyly tirkeldi. Bul rette platforma jumysynyń barlyq kezeńinde 671,0 myń adam oqýdan ótti.
Bıyl oqýdan ótken 42,2 myń jumyssyz azamattyń 11,3 myńǵa jýyǵy negizinen Túrkistan, Almaty, Qostanaı oblystarynyń jáne Shymkent qalanyń jastary.
Platforma iske qosylǵannan bastap avtorlar ártúrli baǵyttar boıynsha 1 000-n astam kýrs jarııalady, onyń 340-y tegin. Sondaı-aq, odan ári oqý úshin bilim berý alańdaryna aýysý múmkindigimen Courstore, Fluent Education jáne ıAndeks Qazaqstan seriktesteriniń kýrstary bar.
Kýrstardyń uzaqtyǵy 1-den 72 saǵatqa deıin.
Maýsym aıyndaǵy eń kóp suranysqa ıe kýrstar – «Tvoı karernyı start: kak ıspolzovat «Elektronnýıý bırjý trýda», «Strahovoı agent», «Ýpravlenıe personalom», «Organızatsııa perevozok na avtomobılnom transporte», «Professıonalnyı kýrs ındıvıdýalnogo pomoşnıka dlıa soprovojdenııa lıts s trýdnostıamı v peredvıjenıı».
Platformada qarjy jáne býhgalterlik esep, SMART SKILLS jáne t.b. salalardaǵy túrli mamandyqtar boıynsha tegin kýrstar sany únemi artyp keledi.
Budan buryn habarlaǵandaı, Platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol marketpleıs – qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan.
Oqýǵa mynaý silteme arqyly nemese Elektrondyq eńbek bırjasynda (enbek.kz) «Onlaın oqytý» bólimin tańdaý arqyly qol jetkizýge bolady.
Platformada bilim alýshy oqytýdyń qolaıly qarqyny men tilin, materıaldy berýdiń yńǵaıly prıntsıpin derbes tańdaıdy, bilim berý úderisindegi óziniń ilgerileýin baqylaı alady.
- Bilim alýshy úshin artyqshylyqtar: keńeıtilgen kýrstardy izdeý, sabaqtyń túsinikti qurylymy, oqý protsesin baqylaý jáne kýrs avtorlarymen jyldam ózara árekettesý. Paıdalanýshylar úshin jasandy ıntellekt kómegimen chat-bot qol jetimdi, ol jyldam izdeýdi jáne qyzyǵýshylyq týdyratyn suraqtarǵa jaýap alýdy qamtamasyz etedi, - dep jazdy Eńbek jáne halyqty áleýmettik qorǵaý mınıstrliginen.
Oqý aıaqtalǵannan keıin bilim alýshy 70% shekti deńgeımen testileý tapsyrýǵa tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty – bilim alýshy tarapynan kýrsty baǵalaý. Sertıfıkatty júkteý kezinde ıgergen daǵdylar boıynsha Enbek.kz-te bos jumys oryndarynyń usynystary qosyldy.
Alynǵan sertıfıkat Enbek.kz-te tirkelgen kezde bilim alýshy jasaǵan túıindemede avtomatty túrde kórsetiledi. Qyzmetkerlerdi izdeý kezinde áleýetti jumys berýshi Platformada sátti oqýdan keıin alynǵan sertıfıkattardy kóre alady.
Avtorlar men ázirleýshilerge arnalǵan platformada onlaın kýrstardy ornalastyrý tegin. Kýrstar memlekettik, orys jáne aǵylshyn tilderinde ornalastyrylýy múmkin, aqparat berýdiń ártúrli formattary: mátin, prezentatsııa, beıne jáne aýdıo materıaldar, ınfografıka jáne basqa túrleri bolýǵa tıis. Platforma erekshe qajettilikteri bar bilim alýshylar úshin ınterfeısti beıimdeý múmkindigin boljaıdy.
- Kýrs avtorlary úshin yńǵaıly sabaq qurastyrýshy, jarııalanǵan kýrstardyń statıstıkasy men tıimdiligin qaraýǵa qoljetimdi, sertıfıkattardyń ártúrli dızaıny kózdelgen, sondaı-aq oqý qunyn aldyn ala esepteýge arnalǵan onlaın-kalkýlıator bar.
2023 jyldyń jeltoqsan aıynan bastap kýrstardy Enbek mobıldi qosymshasy arqyly oqýǵa bolady, qosymshany Google Play jáne App Store-dan júkteýge bolatynyn esterińizge salamyz.
Platformada tirkelý jáne jumys isteýge qatysty barlyq suraqtar boıynsha «ERDO» AQ jaýapty qyzmetkerlerimen baılanysýdy suraımyz: 8 (7172) 95 43 17 (ishki. 877, 888), - delingen aqparatta.
Aıta keteıik, Astanada 28 erekshe qajettiligi bar jasóspirim kolledjderde kásibı daıarlyq kýrstaryn aıaqtady.