Skills Enbek platformasynda 97 myńnan asa qazaqstandyq bilim aldy
ASTANA. KAZINFORM – 2024 jyldyń basynan bastap 97,5 myń azamat, onyń ishinde 47,4 myńǵa jýyq jumyssyz Skills Enbek kásiptik oqytý platformasynda (budan ári — Platforma) onlaın-kýrstardan ótkeni týraly sertıfıkat aldy, dep habarlaıdy Eńbek jáne halyqty áleýmettik qorǵaý mınıstrliginiń baspasóz qyzmeti.
Platformada barlyǵy 483,9 myń qazaqstandyq tirkelgen, onyń 122,5 myńy — 2024 jyly tirkeldi.
Oqýdan ótken 47,4 myń jumyssyz azamattyń 14,6 myńǵa jýyǵy negizinen Aqtóbe, Túrkistan, Qaraǵandy, Qyzylorda oblystarynyń jáne Shymkent qalasynyń jastary.
Platforma iske qosylǵannan bastap avtorlar ártúrli baǵyttar boıynsha 616 kýrs ornalastyrǵan, onyń 281-i tegin. Sondaı-aq, odan ári oqý úshin bilim berý alańdaryna aýysý múmkindigimen Courstore, Fluent Education jáne ıAndeks.Qazaqstan seriktesteriniń kýrstary bar.
Kýrstardyń uzaqtyǵy 1-den 72 saǵatqa deıin.
Qazan aıyndaǵy eń kóp suranysqa ıe kýrstar — «Vvedenıe v sotsıalnýıý rabotý», «Postroenıe otdela prodaj v otele», «Kassır», «Osnovy sotsıalnoı raboty» jáne «Strahovoı agent».
Platformada áleýmettik qyzmet kórsetý, it-tehnologııalar, týrızm jáne t. b. salalardaǵy túrli mamandyqtar boıynsha tegin kýrstar sany únemi artyp keledi.
Budan buryn habarlaǵandaı, Platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol marketpleıs — qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan.
Oqýǵa https://skills.enbek.kz/ siltemesi arqyly nemese enbek.kz saıtyndaǵy «Onlaın oqytý» bólimin tańdaý arqyly tikeleı qol jetkizýge bolady.
Platformada bilim alýshy oqytýdyń qolaıly qarqyny men tilin, materıaldy berýdiń yńǵaıly prıntsıpin derbes tańdaıdy, bilim berý úderisindegi óziniń ilgerileýin baqylaı alady.
Bilim alýshy úshin artyqshylyqtar: keńeıtilgen kýrstardy izdeý, sabaqtyń túsinikti qurylymy, oqý protsesin baqylaý jáne kýrs avtorlarymen jyldam ózara árekettesý.
— Oqý aıaqtalǵannan keıin bilim alýshy 70% shekti deńgeımen testileý tapsyrýǵa tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty — stýdent tarapynan kýrsty baǵalaý, — delingen mınıstrlik habarlamasynda.
Alynǵan sertıfıkat Elektrondyq eńbek bırjasynda (enbek.kz) tirkelgen kezde bilim alýshy jasaǵan túıindemede avtomatty túrde kórsetiledi. Qyzmetkerlerdi izdeý kezinde áleýetti jumys berýshi Platformada sátti oqýdan keıin alynǵan sertıfıkattardy kóre alady.
Avtorlar men ázirleýshilerge arnalǵan platformada onlaın kýrstardy ornalastyrý tegin. Kýrstar memlekettik jáne orys tilderinde ornalastyrylýy múmkin, aqparat berýdiń ártúrli formattary: mátin, prezentatsııa, beıne jáne aýdıo materıaldar, ınfografıka jáne basqa túrleri bolýǵa tıis. Platforma erekshe qajettilikteri bar bilim alýshylar úshin ınterfeısti beıimdeý múmkindigin boljaıdy.
Kýrs avtorlary úshin yńǵaıly sabaq qurastyrýshy, jarııalanǵan kýrstardyń statıstıkasy men tıimdiligin qaraý, proktorıng júıesi qoljetimdi, sertıfıkattardyń ártúrli dızaıny qarastyrylǵan, sondaı-aq oqý qunyn aldyn ala esepteýge arnalǵan onlaın-kalkýlıator bar.
2023 jyldyń jeltoqsan aıynan bastap kýrstardy Enbek mobıldi qosymshasy arqyly oqýǵa bolady, qosymshany Google Play jáne App Store-dan júkteýge bolatynyn esterińizge salamyz.
Platformada tirkelý jáne jumys isteýge qatysty barlyq suraqtar boıynsha «ERDO» AQ jaýapty qyzmetkerlerimen baılanysýdy suraımyz: 8 (7172) 95 43 17 (ishki. 877, 878, 888).
Buǵan deıin eńbek ınspektorlary 16 myńnan astam jumysshynyń quqyǵy qorǵaǵany habarlandy.
