Skıfterdiń Qyrymdaǵy altynynyń taǵdyry áli aıqyndalǵan joq
ASTANA. QazAqparat - Amsterdam ýnıversıtetiniń murajaıyna qoıylǵan Qyrymdaǵy skıf altyndaryna qatysty Ýkraına mádenıet mınıstrliginiń kollektsııa osy elge beriletin boldy degen aqparatyn ýnıversıtet qýattaǵan joq, dep habarlady reseılik «Jańalyqtar» agengtigine joǵary oqý ornynyń ókili ıAsha Lange.
Skıf altyndarynyń kollektsııasy qyrym murajaılarynan Amsterdamdaǵy Allard Pırsson arheologııalyq murajaıyna aqpan aıynyń basynda Qyrym Reseıge qosylýdan buryn áketilgen bolatyn. Búginde murajaı eksponatyn ýkraın taraby ózderine menshikteýde.
Ýkraına mádenıet mınıstrligi kollektsııa Kıevke qaıtarylady, óıtkeni Ýkraınanyń memlekettik menshigi bolyp tanyldy dep málimdedi.
«Men muny qýattaı almaımyn. Biz istiń zańdyq jaǵyn zerdeleýdemiz. Sheshim qashan qabyldanatynyn keıinirek aıtamyz», - dedi agenttik suhbattasýshysy ýkraın tarapynyń kollektsııa Kıevke beriletini týraly aqparatyna túsinikteme bere kelip.
Budan buryn RF Mádenıet mınıstri Vladımır Medınskıı Nıderlandydaǵy skıfterdiń Qyrymdaǵy altyndary kórmesi qyrkúıekke deıin uzartylǵanyn málim etti.
Qyrym jáne túbektegi Sevastopol qalasy 16 naýryzdaǵy referendýmnan keıin Reseı aımaǵyna aınaldy, onda turǵyndar RF quramyna qosylýdy jaqtaǵan bolatyn.
