Skı-alpınızm jáne qarbasý QR QK áskerı-qoldanbaly sport túrleri tizimine endi

ASTANA. QazAqparat - QR Qorǵanys mınıstrligi Armııa ortalyq sport klýbynda Dostastyq elderi Qarýly Kúshteriniń dene daıarlyǵy jáne jańa áskerı qoldanbaly sport túrleriniń tanystyrylymy ótti.

Bul shara Almatydaǵy TMD-ǵa qatysýshy memleketterdiń Qorǵanys mınıstrleri keńesi janyndaǵy Sport komıtetiniń otyrysynda ótti.

2013-2014 jyldardan bastap Qarýly Kúshterde jańa áskerı-qoldanbaly sport túrlerin damytý jáne nasıhattaý jumystary bastaldy. Olar - skı-alpınızm jáne qarbasý. Qarýly Kúshter bólimshelerinde jaýyngerlik daıarlyq tapsyrmalardy taýly jerlerde oryndaý barysynda atalǵan sport túrlerin is júzinde qoldaný erekshe mańyzǵa ıe.

Sonymen qatar, TMD elderi Qarýly Kúshteri ókilderiniń otyrysynda Uly Otan soǵysyndaǵy Jeńistiń 70 jyldyǵyna arnalǵan TMD-ǵa qatysýshy memleketter arasynda armııa dostastyǵynyń І Áskerı-sport oıyndaryn ótkizý, TMD elderi áskerı sport obektilerin yntymaqtastyq múddede birlesip qoldaný, sondaı-aq Sport komıtetin damytý strategııasy týraly máseleler qaraldy.

Budan ózge, otyrysqa qatysýshylar 2017 jyly ІІІ Búkilálemdik áskerı qysqy oıyndaryn ótkizý máselesin talqylady, dep habarlaıdy QR Qorǵanys mınıstrliginiń baspasóz qyzmeti.