Іskerlik ortany jaqsartý úkimet aldynda turǵan aıryqsha maqsat - Prezıdent
ASTANA. KAZINFORM - Prezıdent dúnıe júzi boıynsha tikeleı sheteldik ınvestıtsııa nópiriniń quldyraýynyń negizgi sebepterin atady, dep habarlaıdy Aqordanyń baspasóz qyzmeti.
Bul týraly Qasym-Jomart Toqaev «Altyn sapa» jáne «Paryz» syılyǵynyń laýreattaryn, «Qazaqstannyń úzdik taýary» respýblıkalyq kórme-konkýrsynyń jeńimpazdaryn marapattaý rásiminde aıtty.
- Men Joldaýda jańa ınvestıtsııalyq kezeńdi bastaý qajettigin aıttym. Qazir álemde naryq jáne kapıtal úshin talas-tartys kúsheıip barady. BUU Saýda jáne damý jónindegi konferentsııasynyń (ıÝNKTAD) málimetine sáıkes, dúnıe júzi boıynsha tikeleı sheteldik ınvestıtsııanyń nópiri aıtarlyqtaı báseńdegen. 2024 jyly álemde naqty sektorǵa baǵyttalǵan ınvestıtsııa kólemi 11 paıyzǵa, ıaǵnı 1,5 trıllıon dollarǵa deıin qysqarǵan. Basqasha aıtqanda, jahandyq ınvestıtsııa bıyl ekinshi jyl qatarynan quldyrap barady. Munyń negizgi sebebi – údeı túsken geosaıası shıelenis pen halyqaralyq jetkizý tizbeginiń úzilýi. Sondyqtan biz elimizdegi iskerlik ortany jaqsartýymyz kerek. Bul – Úkimettiń aldynda turǵan mańyzy aıryqsha maqsat,-dedi Prezıdent.
Osyǵan deııin Memleket basshysy elimizdiń ishki jalpy ónimi alǵash ret 300 mıllıard dollardan asatyny týraly aıtty.