Əskerı sotqa túsken azamattyq shaǵymdardyń kóbi turmystyq daýlarǵa qatysty bolǵan
ASTANA. QazAqparat - Qazaqstan Respýblıkasynyń Əskerı soty jyl basynan beri 1730 azamattyq ótinish qabyldaǵan. Sonyń ishinde 1646 azamattyq is qozǵap, 1294 sheshim shyǵarǵan. Azamattyq daýlardyń kóbi turǵyn úı jəne turmystyq məselelerge qatysty bolǵan.
"Azamattyq isterdiń kóbi turmystyq daýlar deýge bolady. Biri - jekeshelendirilmegen baspana úshin ótemaqy surasa, endi biri jekeshelendirýge ruqsat bermegen laýazym ıeleri men memlekettik organdardyń ústinen shaǵym túsirgen. Sonymen qatar eńbek daýlary da kezdesedi. Bul ister týraly aqparat əskerı sottyq saıtynda da jarııalanyp otyrady, sondyqtan sot sheshimimen kelispegen kez kelgen tarap elektrondy túrde shaǵym-aryz túsire alady. Bul bir jaǵynan ýaqyt únemdese, ekinshi jaǵynan eki taraptyń da materıaldyq shyǵyndaryn azaıtady",- dep habarlaıdy sottyń baspasóz qyzmetinen. Derekkózge súıensek, toǵyz aı ishinde əskerı sottyń apellıatsııalyq alqasy 20 azamattyq isti qaıta qarap, 17 is boıynsha sheshim ózgertken. Kassatsııalyq alqa 32 ótinishti dəıkesiz dep taýyp, 14 is boıynsha sheshim ózgertken.
