«Іsker aımaq» baǵdarlamasy aıasynda 23 myńǵa jýyq jobaǵa qoldaý kórsetiledi

Onyń aıtýynsha, «Іsker aımaq» shaǵyn bıznesti qoldaýdyń biryńǵaı baǵdarlamasy aıasynda ekinshi deńgeıdegi bankter kredıtteýiniń jalpy kólemi jylyna shamamen 400 mlrd teńge bolady. 2026 jylǵa arnalǵan sýbsıdııalaýǵa jyldyq qajettilik shamamen 24 mlrd teńge bolady. Bul rette birinshi jyly 5 myńnan astam jobany qoldaý kútilýde.

— Baǵdarlamaǵa qatysýshylar mıkro- jáne shaǵyn kásipkerlik sýbektileri bolady. Bir jobaǵa kredıttiń eń kóp somasy — 200 mln teńgege deıin. Sýbsıdııalaý — nomınaldy mólsherlemeniń 40 paıyzy. Sýbsıdııalaý merzimi — uzartýsyz 3 jylǵa deıin, — dedi Serik Jumanǵarın.

Vıtse-premer dereginshe, baǵdarlamany 2026-2028 jyldary iske asyrý:

— 23 myńǵa jýyq jobany qoldaýǵa;

— 1,2 trln teńge somasyna kredıt berýdi qamtamasyz etýge;

— shamamen 127 mlrd teńgege bıýdjettik qoldaýǵa múmkindik beredi.

Mýltıplıkatıvti túrinde kútiletin áser:

— salyq túsimderi — 157 mlrd teńge;

— ónim shyǵarý — shamamen 1,4 trln teńge;

— shamamen 7 myń jańa jumys ornyn qurý jáne shamamen 136 myń jumys ornyn saqtap qalý.

— Bıýdjettik júkteme 2026-2028 jyldary shyńyna kóterile otyryp, keıinnen tómendeýmen ortasha jáne ýaqytsha sıpatta bolady. Baǵdarlamany ákimshilendirý egov.business jáne Damu Online portaldary arqyly ótinimder berýdi, kásipkerdiń jeke kabıneti arqyly «bir tereze» qaǵıdatyn iske asyrýdy, sondaı-aq naqty ýaqyt rejıminde jobalardyń iske asyrylý barysyna monıtorıng júrgizýdi qosa alǵanda, tsıfrlyq sheshimderdi qoldaný arqyly júzege asyrylatyn bolady, — dedi Serik Jumanǵarın.

Buǵan deıin «Іsker aımaq» baǵdarlamasy qandaı baǵyttarda iske asyrylatynyn jazǵan edik.