«Skenderbeý» bapkeri «Qaıratpen» bolatyn matchqa baǵa berdi
ASTANA. QazAqparat - Albandyq «Skenderbeý» bas bapkeri Ilır Daııa Eýropa Lıgasynyń ekinshi biliktilik aınalymy aıasynda «Qaıratpen» alda ótetin eki match oıynǵa pikirin bildirdi, dep habarlady Sports.kz.
«Bul ońaıǵa soqpaıdy. Eki komandanyń da kelesi aınalymǵa ótýge múmkindigi bar. Eger bizdiń múmkindigimiz az deseńizder qatelesesizder. Biz «Qaıratpen» oıynǵa ázirmiz. Árıne, olar oıynshylardy jaqsy iriktep, eki ret «Atlantasty» senimdi túrde jeńdi. Biz Qazaqstanda jeńiske qol jetkizýge bar kúshimizdi salamyz, - dedi I. Daııa.
Aıta keteıik, «Qaırat» - «Skenderbeý» alǵashqy matchy Almatyda 13 shildede, qarymda oıyn - 20 shildede Albanııanyń Korcha qalasynda ótedi.
