«SKAT» ushý qyzmeti dırektorynyń ústinen qylmystyq is qozǵaldy
QR Bas kólik prokýratýrasy 2013 jyldyń qańtar aıynda Almaty oblysynda 16 jolaýshy men 5 ekıpaj múshesiniń qaza tabýyna sebep bolǵan «SKAT» áýe kompanııasy» AQ-nyń «CRJ-200» markaly ushaǵynyń apatqa ushyraý faktisi boıynsha sotqa deıingi tergep-tekserý amaldarynyń aıaqtalǵanyn habarlady. Vedomstvonyń atap ótýinshe, apattyń oryn alýyna ushý ekıpajynyń durys is-qımyl jasamaýy sebep bolǵan.
«Qazaqstan Respýblıkasy Qylmysty kodeksiniń 344 babynyń 3 bóligimen kúdikti retinde tanylǵan Áýe kompanııasynyń ushý qyzmeti dırektoryna qatysty qylmystyq is 2015 jylǵy 10 jeltoqsanda Almaty qalasy Almaly aýdandyq sotyna joldandy», - delingen habarlamada.
Esterińizge sala keteıik, 2013 jyldyń 29 qańtarynda «SKAT» áýe kompanııasynyń «Kókshetaý-Astana» reıisin oryndaıtyn CRJ-200 ushaǵy Almatyǵa jete bere apatqa ushyraǵan bolatyn. Sonyń saldarynan 21 adam, onyń ishinde 16 jolaýshy men 5 ekıpaj múshei qaja tapqan edi.
