«SKAT» áýe kompanııasynyń Ýtapao-Astana reısi usha almaı jatyr
ASTANA. QazAqparat - "SKAT" áýe kompanııasynyń Ýtapao-Astana reısi usha almaı jatyr. Bul jaıynda QR IIDM Azamattyq avıatsııa komıtetiniń Feısbýktegi paraqshasynda jarııalandy, dep habarlaıdy QazAqparat tilshisi.
"SKAT" áýe kompanııasynyń Ýtapao-Astana baǵytyndaǵy VSV465 reısi 11 naýryz kúni Astana ýaqytymen saǵat 17-00-de B767 (tirkeý nómiri UP-6703) áýe kemesimen oryndalýy tıis bolatyn. Qazirgi ýaqytta tehnıkalyq sebepterge baılanysty atalǵan reıs keshiktirilip jatyr", - delingen taratylǵan aqparatta.
Vedomstvonyń málimetinshe, atalǵan reıstiń 283 jolaýshysyna týrıstik operatorlar ystyq tamaq pen qonaq úıden jatyn oryn usynǵan.
"2019 jyldyń 12 naýryzy kúni Astana ýaqytymen saǵat 4-00-de "SKAT" áýe kompanııasynyń VSV469 reısimen Almaty-Pýket baǵytynda mamandar áýe kemesiniń aqaýyn joıý úshin jiberiledi", - dep atap ótedi komıtetten.
