Skarlet Iohansson álemdegi eń kóp aqy tólenetin aktrısa atandy
NUR-SULTAN. QazAqparat - Forbes jýrnaly álemniń eń kóp aqy tólenetinaktrısalarynyń reıtıngin jarııalady, dep habarlaıdy QazAqparat.
Skarlet Iohansson lıder atandy.
Sarapshylardyń derekterine sáıkes, ol 2018 jyldyń 1 maýsymynan 2019 jyldyń 1 maýsymyna deıin $56 mln tabys tapqan.
Aktrısaǵa eń basty kiris Marvel kınokompanııasynan buıyrdy.
Atap aıtqanda, Skarlet Iohansson qomaqty somany óziniń «Qara jesir» fılminen tapty, al «Kekshilder» fılmindegi róli úshin $35 mln gonorar aldy.
Sondaı-aq, tizimge Sofııa Vergara ($44,1 mln), Rız Ýızerspýn ($35 mln), Nıkol Kıdman ($34 mln), Djennıfer Enıston ($28 mln) jáne Keılı Kýoko ($25 mln) endi.
Alǵash ret reıtıngke ótken jyly ekinshi oryn alǵan Andjelına Djolı, Djýlııa Roberts, Keıt Blanshett jáne Djennıfer Loýrens kirmeı qaldy.
Olardyń ornyn Elızabet Moss ($24 mln) jáne Margo Robbı ($23,5 mln) toltyrdy. Ondyqqa Sharlız Teron ($23 mln) jáne Ellen Pompeo ($22 mln) da endi.
Eske sala ketsek,21 tamyzda Forbes jylsaıynǵy álemniń eń kóp aqy tólenetin akterler tizimin jarııalaǵan edi. Dýeın Djonson bıylǵy jylǵy eń baı akter atandy.
