Skandınavııanyń soltústiginde quralǵan antıtsıklon elimizdegi aýa raıyna áser etedi
ASTANA. QazAqparat - Skandınavııanyń soltústiginde quralǵan antıtsıklon, ońtústik-shyǵys baǵytta baıaý jyljyp barady, jáne demalys kúnderi Qazaqstannyń batys jáne soltústik oblystarynyń aýa-raıyna áserin tıgizedi, dep habarlaıdy Qazgıdromet.
Ol jerlerde jaýyn-shashynsyz, azdaǵan bult, túngi temperatýra 2-13º sýyq bolýy kútilýde, bul klımattyq normadan 3-5º tómen bolyp tabylady. Elimizdiń ortalyq aımaqtarynyń keı jerlerinde demalys kúnderinde tuman saqtalady. Shyǵysta - jaýyn-shashyn, jańbyr, senbi men dúısenbi aralyǵynda qar kútiledi. Bul jerlerde de túngi sýyq 0-den 11º deńgeıinde kútilýde. Ońtústik jáne ońtústik-shyǵysta demalys kúnderi jaýyn-shashyndy, keı jerlerde nóser bolýy múmkin. Ońtústik-shyǵysta jaýyn-shashyndy aýa-raıy dúısenbige deıin saqtalady, túngi temperatýra 0-5º jylylyqqa deıin tómendeıdi, keı jerlerde 5º sýyqqa deıin tómendeýi múmkin. Kúndizgi temperatýra jaýyn-shashyndy 5-13º jyly bolady. Bul da normadan 3-5º tómen.
