Skandınavııanyń soltústigindegi aptap ystyq adam áreketinen kúsheıe túsken

ASTANA. KAZINFORM —   Shilde aıynda Shvetsııa, Norvegııa jáne Fınlıandııanyń soltústiginde tarıhtaǵy eń kúshti aptap ystyq tolqyndarynyń biri tirkeldi. Bul jaǵdaı parnıktik gazdardyń shyǵarylýy saldarynan odan ári kúsheıe tústi, dep habarlaıdy AZƏRTAC.

Скандинавияның солтүстігіндегі аптап ыстық адам әрекетінен күшейе түскен
Фото: Азертадж

Keıbir aımaqtarda temperatýra eki aptadan astam ýaqyt boıy 30 °C-tan joǵary boldy. Al Fınlıandııanyń ıÝlıtornıo qalasynda 25 °C-tan joǵary kún raıy qatarynan 26 kún boıy saqtalyp, bul Eýropanyń mundaı soltústik endikterinde buryn-sońdy tirkelmegen kórsetkish boldy.

World Weather Attribution zertteý tobynyń málimetinshe, bul aptap adam áreketinen týyndaǵan shyǵaryndylar bolmaǵanda, keminde 2 °C-qa jeńilirek bolar edi, al mundaı jaǵdaıdyń bolý yqtımaldyǵy kemi 10 ese artqan. Ǵalymdar eskertý jasaıdy: eger klımattyń ózgerýimen kúres qarqyny jedeldetilmese, mundaı ekstremaldy ystyqtar ǵasyr sońyna qaraı bes ese jıi jáne odan da qatty bolady.

Qazirgi ystyqtyń saldary aıtarlyqtaı aýyr boldy: buǵylar qalalarǵa kirip ketti, aýrýhanalarda operatsııalar toqtatyldy, bosaný bólimderi jabyldy, al sýdaǵy jazataıym oqıǵalar sany kúrt ósti.

Mamandar qoǵamdy jańa klımattyq jaǵdaılarǵa beıimdeýdi jaqsartý úshin, densaýlyq saqtaý men áleýmettik salada sharalardy kúsheıtýge shaqyrǵan.

Buǵan deıin habarlanǵandaı, Eýropanyń ońtústik bóliginde aptap ystyqtan orman órti órship tur.

Сейчас читают