SKA - «Barys» oıynyn qashan jáne qaıdan kórýge bolady
NUR-SULTAN. QazAqparat - Búgin elordalyq «Barys» Reseıdiń Sankt-Peterbýrg qalasynda jergilikti SKA quramasymen kezdesedi, dep habarlaıdy QazAqparat tilshisi.
Eki komanda búgingi kúnge deıin qurlyqtyq hokkeı lıgasynda 22 márte kezdesti. Onyń nebári 4-de elordalyq klýb jeńiske jetse, qalǵanynda qarsylasyna ese jiberdi.
«Barys» sońǵy ret atalmysh qarsylasyn 2015 jyldyń 28 qazanynda jeńgen bolatyn. Sodan beri segiz oıynda reseılik klýb myqtylyǵyn tanytyp keledi.
Taǵy bir aıta keterligi, qazaqstandyq hokkeıshiler SKA klýbynan Sankt-Peterbýrgte birde-bir márte basym túsken emes.
Bıylǵy dodadaǵy týrnır kestesinde eki komanda qatarlas tur. Atap aıtqanda, 50 oıynnan keıin SKA 69, «Barys» 67 upaı jınady. Sońǵy týrda SKA Máskeýde TsSKA klýbynan 2:3 esebimen jeńilse, «Barys» Fınlıandııada «Iokerıtti» 5:1 esebimen tize búktirdi.
SKA men «Barys» komandalary arasyndaǵy kezdesý elorda ýaqytymen 22.00-de bastalady. Oıyn QazSport telearnasynan tikeleı efırde kórsetiledi.
Foto: www.hcbarys.kz
