«SQ-Farmatsııa» basshysy: Aılyǵym ósken joq

ASTANA. KAZINFORM — «SK-Farmatsııa» JShS basqarma tóraǵasy Nurlybek Asylbekov Úkimet otyrysynan keıin ótken baspasóz máslıhatynda óziniń aılyǵy qansha ekenin aıtty.

— Sizdiń aldyńyzdaǵy «SK-Farmatsııa» basshysy óz aılyǵy 1 mln 400 myń teńge ekenin aıtqan edi. Kompanııanyń 2024 jylǵy esebin qarap otyrsaq, top-menedjmenttiń syıaqysyna onyń aldyndaǵy jyldan 20 mln teńge kóp jumsalypty. Árıne, 2025 jyldyń derekteri ázirge joq, degenmen de sizdiń aılyǵyńyz aldyńyzdaǵy áriptesińizge qaraǵanda ósken bolyp tur ma, — dep surady BAQ ókili.

Nurlybek Asylbekov syıaqy mólsheriniń artqany óziniń aılyǵyna áser etpegenin aıtty.

— Qyzyqty suraq qoıyp otyrsyz, árıne. Ósken joq, sol kúıinde. Shamamen 1,5 mln teńge. Siz jańa 1 mln 100 myń teńge dedińiz be, sol deńgeıde. Al eńbekaqy qorynyń artqanyna kelsek, sonyń esebinen personaldar tartyp jatyrmyz. Al basqarma músheleri men basshylardyń aılyǵy sol kúıinde qaldy, — dedi «SQ-Farmatsııa basshysy.

Aıta keteıik, búgin Úkimet halyqty dári-dármekpen qamtamasyz etý jaıyn talqylady.