«SQ-Farmatsııanyń» burynǵy basshysyn qamaý merzimi taǵy bir aıǵa uzartyldy
ASTANA. QazAqparat - «SQ-Farmatsııa» kompanııasynyń burynǵy basshysy Maksım Kasatkınniń qamaýdaǵy merzimi taǵy bir aıǵa uzartyldy, dep habarlaıdy «QazAqparat» HAA.
«Astanadaǵy №2 Almaty aýdandyq soty kúdikti Maksım Kasatkınniń qamaýdaǵy merzimin 2018 jyldyń 15 naýryzyna deıin uzartty»,-dep habarlady astanalyq sottyń baspasóz qyzmeti.
Buǵan deıin jarııalanǵandaı, Maksım Kasatkın 2017 jyldyń 15 qyrkúıeginde ustalǵan bolatyn. Quqyq qorǵaý organdary onyń 2015 jyly júrgizgen dárilik zattar men medıtsınalyq maqsatta paıdalanylatyn quraldardy satyp alý jumystaryna qatysty zańsyz is-áreketterin tekserý ústinde.
