«SK-Farmatsııanyń» burynǵy basshysy Maksım Kasatkındi qamaý merzimi uzartyldy
ASTANA. QazAqparat - «SK-Farmatsııa» kompanııasynyń burynǵy basshysy Maksım Kasatkındi úıqamaqta ustaý merzimi uzartyldy, dep habarlaıdy QazAqparat tilshisi.
«Mamandandyrylǵan aýdanaralyq tergeý soty 15 tamyzda kúdiktini úıqamaqta ustaý merzimin 15 qyrkúıekke deıin uzartý jóninde sheshim qabyldady», - dep málimdedi Astana qalalyq sotynyń baspasóz qyzmeti.
Eske sala keteıik, Maksım Kasatkın 2017 jylǵy 15 qyrkúıekte ustalǵan bolatyn. Ol 2015 jyly dárilik zattar men medıtsınalyq maqsatta paıdalanylatyn zattardy zańsyz satyp aldy degen kúdikke ilikken.
Al ótken aıda Astana qalasy Almaty aýdandyq № 2 soty Kasatkın Maksım Evgenevıchke qatysty bultartpaý sharasyn 2 aı merzimge, ıaǵnı 15 tamyzǵa deıin úıqamaqta ustaý jazasyna aýystyrdy.
