«SK Farmatsııamen» sybaılastyq ymyrada 3 fırma bolǵan
Bul týraly búgin BAQ ókilderine QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıteti tóraǵasynyń orynbasary Rýstam Ahmetov málim etti, dep habarlaıdy QazAqparat.
«Ótken jyldyń qazanynan jeltoqsan aıyna deıin «SK Farmatsııa» kompanııasyna qatysty monopolııaǵa qarsy zańnamanyń buzylýyna tergeý júrgizildi. Tergeý qorytyndysy boıynsha basymdyq jaǵdaıyn asyra paıdalaný faktisi anyqtaldy. ıAǵnı, kompanııa tegin medıtsınalyq kómektiń kepildendirilgen kólemi aıasynda dári-dármekterdi saqtaý jáne tasymaldaý qyzmetin bir lot arqyly satyp alǵan. Sot protsesi bolyp, ol osydan eki kún buryn ǵana aıaqtaldy. Sot sheshimi qabyldanyp, zańdy kúshine endi. Fakti dáleldendi. Sondyqtan «SK Farmatsııa» ákimshilik jaýapkershilikke tartylyp, 1,3 mlrd. teńge aıyppul salyndy», - dedi ol.
Sonymen qatar ol dári-dármekterdi saqtaý jáne tasymaldaý qyzmetin oryndaýshylarǵa qatysty tergeý aıaqtalyp, sotqa jiberilgendigin atap ótti. ıAǵnı, úsh kompanııa «SK Farmatsııamen» ymyralasyp, áreket jasaǵan.
Osy rette BAQ ókilderi atalǵan kompanııa tarabynan oryn alǵan buzýshylyqtar dári-dármek baǵasynyń ósýine áser etkenin nemese etpegendigin suraǵan bolatyn. Saýalǵa jaýap bergen ol, «SK Farmatsııa» tarabynan mundaı buzýshylyqtar bolmaǵanda dári-dármek baǵasy birshama tómen bolatyndyǵyn aıtty.
