«SQ-Farmatsııa» JShS tumaýǵa qarsy vaktsınany tolyq kólemde satyp aldy

Taratylǵan habarlamada atap kórsetilgenindeı, búgingi tańda «Vaksıgrıp» tumaýǵa qarsy tıimdiligi joǵary vaktsınanyń 740 myńnan astam mólsheri yńǵaıly zamanaýı pishinde - kólemi 0,5 ml (1 mólsheri) shprıtspen berilgen, ol Biryńǵaı dıstrıbıýtordyń qoımasynda. Aǵymdaǵy aıdyń aıaǵyna deıin barlyq satylyp alynǵan vaktsına kólemi elimizdiń medıtsınalyq uıymdaryna jetkiziletin bolady.

«Osy jyly bizge vaktsınany ótken jylmen salystyrǵanda bir aı erte satyp alyp, Biryńǵaı dıstrıbıýtordyń qoımasyna qoıýǵa múmkindik týdy. Bul vaktsınany epıdemıologııalyq maýsym bastalǵansha aldyn ala óńirlerge jetkizýge múmkindik beredi», - deıdi «SQ-Farmatsııa» basqarýshy dırektory Andreı ıAkýnın.

Tumaýǵa qarsy vaktsınany satyp alýdyń eki kezeńdik tártiptemesin paıdalanýmen ashyq tender ótkizý bir danasyna 643,28 teńge baǵasymen jalpy somasy 476 mln. teńgege satyp alýǵa múmkindik berdi. Sonymen qatar bólshektik naryqta onyń baǵasy bir danasyna 1600 teńgeni quraıdy. «SQ-Farmatsııa» kompanııasy satylyp alynǵan vaktsınanyń kólemin ótken jylmen salystyrǵanda (2010 jylda 350 myń dana kóleminde) eki esege arttyra aldy.

Osy vaktsınanyń óndirýshisi eýropalyq Sanofı Paster kompanııasy bolyp tabylady. Ol - vaktsınatsııalaý salasynda sarapshy jáne tumaýǵa qarsy vaktsına naryǵynda kóshbasshy.

Qazaqstan Respýblıkasynda tumaýǵa qarsy vaktsına egý dástúrli túrde qazan aıynan jeltoqsan aıyna deıin sozylady.