«SQ-Farmatsııa» JShS dárilik zattar men medıtsınalyq nysandy buıymdardy satyp alý boıynsha tenderlik ótinimderdi qabyldaýdy aıaqtady

Somasy 52,3 mlrd.teńgeni quraıtyn 737 jarııalanǵan lotqa 58 áleýetti jetkizýshi ótinim berdi.

Tegin medıtsınalyq kómektiń kepildendirilgen kólemin kórsetý boıynsha dárilik zattar men medıtsınalyq maqsattaǵy buıymdardy satyp alý konkýrsynyń aıqyndyǵyn qamtamasyz etý úshin «SQ-Farmatsııa» JShS eki kezeńdik rásimderdi paıdalana otyryp tender ótkizedi.

Biryńǵaı dıstrıbıýtordyń satyp alý qaǵıdasynyń negizine Dúnıejúzilik Densaýlyq saqtaý uıymynyń dárilik zattaryn satyp alýdyń tıisti praktıkasynyń qaǵıdaty jatyr. Birinshi kezeńde qoldanystaǵy zańnamanyń kórsetilgen talaptaryna tenderlik ótinimderdiń sáıkestigi tekseriledi. Ekinshi kezeńde tómendetýge arnalǵan aýktsıon qaǵıdaty boıynsha eń tómendetilgen baǵa aıqyndalady. Eskertýler bolǵan jaǵdaıda, kompanııalar olardy belgili bir merzimde joıýy múmkin.

«SQ-Farmatsııa» JShS basqarýshy dırektory, konkýrstyq komıssııa tóraǵasy Andreı ıAkýnın áleýetti jetkizýshilerge: «Biryńǵaı dıstrıbıýtor tek qoldanystaǵy zańnamaǵa, atap aıtqanda Úkimettiń 2009 jylǵy 30 qazandaǵy № 1729 qaýlysyna sáıkes dárilik zattar men medıtsınalyq maqsattaǵy buıymdardy áleýetti jetkizýshilerge qoıylatyn talaptar kórsetiledi», - dep eskertti.

Rásim aıaqtalǵannan keıin, búgingi kúnnen bastap jáne 3 qazanǵa deıin tenderlik komıssııa tenderlik ótinimderdiń biliktilik talaptaryna sáıkestigin qarastyrady. Osydan keıin 3 qazanda tenderlik komıssııa «SQ-Farmatsııa» www.sk-pharma.kz veb-saıtynda ony ornalastyrý jolymen eskertýleri bar konvertterdi ashý hattamasyn áleýetti jetkizýshilerdiń nazaryna jetkizedi.

6 qazanǵa deıin áleýetti jetkizýshiler tenderlik komıssııa kórsetken eskertýlerdi joıý úshin tenderlik ótinimderge qoıylatyn tolyqtyrýlardy usynady.

10 qazanda konkýrstyń ekinshi kezeńine jiberilgen áleýetti jetkizýshilerdiń tizbesi Biryńǵaı dıstrıbıýtordyń veb-saıtynda jarııalanatyn bolady. 11 qazanda saǵat 10.00-de konkýrstyq komıssııa mańyzdy usynymdardy qabyldaýdy bastaıdy.

«Osy rásim barynsha aıqyn jáne áleýetti jetkizýshilerdiń negizsiz aýytqýlaryn boldyrmaýdyń arqasynda eń tómendetilgen baǵa boıynsha sapaly preparattardy tańdaýǵa múmkindik beredi», - dep túıindedi tenderlik komıssııanyń tóraǵasy.