«SK-Farmatsııa» JShS: Dárigerler kómekke zárý jandarǵa qol ushyn berýge árdaıym daıar turady
ASTANA. QazAqparat - «SK-Farmatsııa» JShS qyzmetkerleri qazaqstandyq aq halatty abzal jandarǵa kásibı mereke qarsańynda quttyqtaý joldady.
«Sizderdi kásibı merekelerińiz - medıtsına qyzmetkerleri kúnimen "SK-Farmatsııa" mekemesi atynan shyn júrekten quttyqtaımyz!
Elbasy óziniń Qazaqstan halqyna arnaǵan Joldaýynda: «Halyq densaýlyǵy ol - Qazaqstannyń óziniń strategııalyq maqsattaryna jetýdegi tabysynyń ajyramas quramdas bóligi», - dep atap kórsetken bolatyn. Búginde ulttyq qundylyǵymyz - baǵa jetpes adam ómirin saqtaýda, olardyń tolyqqandy kúshpen eńbek etip, shyǵarmashylyqpen aınalysýynda, sondaı-aq qoǵamnyń belsendi múshesi bolyp tabyla bilýinde medıtsına salasy qyzmetkerleriniń atqaratyn isteriniń mańyzy zor», delingen habarlamada.
Ult saýlyǵy, densaýlyq saqtaý júıesin jetildirý, medıtsınalyq qyzmet kórsetý sapasyn arttyrý máseleleri memlekettik saıasattyń basym baǵyttaryna aınaldy. Elimizde densaýlyq salasyn damytý, turǵyndarǵa zaman talabyna saı, qoljetimdi jáne sapaly medıtsınalyq qyzmet kórsetý jolynda bar múmkindikter jasalýda.
«Sizderdiń osy salada eleýli eńbeterińiz erekshe qurmet pen senimge ıe, sebebi sizderdi árqashan joǵary jaýapkershilik, adamdarǵa qyzmet jasaý, kómekke zárý jandarǵa qol ushyn berýge árdaıym daıar turý sııaqty qasıetter erekshelendirip turady. Igilikti eńbekterińiz, óz kásibińizge degen adaldyǵyńyz, azamattardyń densaýlyǵy jolynda aıanbaı jasap otyrǵan qyzmetterińizdiń mańyzy zor.
"Medıtsına kásibi - adamgershiliktiń asyly" sondyqtan sizderge, medıtsına qyzmetkerlerine baqyt, eńbekte tabys, tózimdilik pen kúsh qaırat jáne otbasyńyzǵa bereke tileımiz.
Tól merekelerińiz qutty bolsyn, qurmetti medıtsına qyzmetkerleri!» delingen quttyqtaýda.
