«SQ-Farmatsııa» tarapy «Grıppol plıýs» vaktsınasynyń 2 mln-nan astam mólsherin aldy
NUR-SULTAN. QazAqparat – «SQ-Farmatsııa» tarapy «Grıppol plıýs» vaktsınasynyń 2 mıllıonnan astam dozasyn satyp aldy. Bul týraly Ulttyq densaýlyq saqtaý ortalyǵynyń qoǵamdyq densaýlyqty nyǵaıtý ortalyǵynyń jetekshisi Jazıra Emberdıeva málim etti, dep habarlaıdy QazAqparat tilshisi.
Ortalyq kommýnıkatsııalar qyzmetindegi baspasóz máslıhatynda kúzgi ári qysqy merzimdegi ınfektsııalyq arýlardyń aldyn alýǵa qatysty másele talqylandy.
«Jyl saıyn tumaýdan vaktsına egý 1 qazanda bastalatyn. Alaıda koronavırýs indetine baılanysty bıyl naýqan eki apta buryn bastalady. 15 qyrkúıekten maýsymdyq tumaýǵa qarsy ekpe jasaý bastalady. Ol úshin alǵashqy medıtsınalyq –sanıtarlyq kómek uıymdarynda 5 myńnan astam pýnkti uıymdastyryldy. Almaty, Nur-Sultan jáne Pavlodar qalalarynda vaktsına egý bıylǵy 10 qyrkúıekte bastaldy», - dedi J. Emberdınova.
Onyń sózine qaraǵanda, koronavırýstyq ınfektsııa men JRVI maýsymyna daıyndyq aıasynda «SQ-Farmatsııa» biryńǵaı dıstrıbıýteri «Grıppol plıýs» vaktsınasynyń 2 mıllıonnan astam dozasyn satyp aldy. Vaktsınada N1N1, N3N2 jáne V tumaý shtamdarynyń antıgenderi bar. Bul óz kezeginde halyqtyń 10 paıyzdan astamyn qamtýǵa múmkindik beredi.
