«SK-Farmatsııa» onkologııalyq tegin preparattyń jetpeı qalýyn túsindirdi
NUR-SULTAN. QazAqparat - Melanoma dertine shaldyqqandarǵa arnalǵan onkologııalyq dári «Dabrafenıbtiń» naýqastarǵa jetpeı qalý sebebin «SK-Farmatsııa» biryńǵaı dıstrıbıýter jaýap berdi, dep habarlaıdy QazAqparat tilshisi.
«Dabrafenıb» preparatyna keletin bolsaq, ol biryńǵaı dıstrıbıýtor tizimine tek 2019 jyldyń sáýirinde engizildi. Bul, emdeýdiń jańa túri jáne memleket atalmysh emdeý túrin onkologııalyq naýqastardy dárimen qamtý aıasyn keńeıtý sheńberinde ótken jyldyń sáýirinde engizdi. Sáıkesinshe, biz ony 2019 jyldyń maýsym aıynan bastap satyp aldyq jáne preparat respýblıka boıynsha jetkizile bastady«, - dedi búgin Qazmedıada jýrnalısterge arnalǵan brıfıngte «SK-Farmatsııa« tóraǵasynyń mindetin atqarýshy Berik Shárip.
Ol bıyl dárini satyp alý boıynsha shveıtsarııalyq Novartis kompanııasymen kelisimshartqa otyrǵandaryn aıtty.
«Kelisimshartqa otyrý ońaı bolǵan joq. Dári-dármekter Shveıtsarııadan tikeleı jetkiziledi dep keliskenbiz. Aıtarlyqtaı úlken bógelis bolǵan joq. Sebebi bir jyldan ekinshi jylǵa ótý kezinde irkilis bolýy múmkindigin esepke ala otyryp, jeltoqsan aıynda dáriler qoryn jasap qoıdyq. Onymen qańtarda qamtamasyz ettik. Degenmen, azdaǵan keshigý bolyp, atalǵan preparat qańtar aıynyń sońynda jetkizildi», - dedi ol.
Berik Shárip atap ótkendeı, kez kelgen dári-dármek jetkizilgen kezde, onyń qaýipsizdigin Ulttyq dárilik zattardy saraptaý ortalyǵy mindetti túrde tekseredi.
«Biz jetkizilgen preparattyń sapasy men qaýipsizdigin tekserýimiz qajet edi. Sertıfıkat berilgennen keıin atalǵan preparatty respýblıka boıynsha tarattyq. 6 qańtar kúni bul dári Qazaqstan boıynsha barlyq naýqastarǵa berile bastady», - deıdi ol.
