«SK- Farmatsııa»-nyń burynǵy basshysyna qatysty isti tergeý aıaqtaldy

NUR-SULTAN. QazAqparat – «SK- Farmatsııa»-nyń burynǵy basshysy Berik Sháripke qatysty is jýyrda sotqa jiberiledi. Bul týraly QR Sybaılas jemqorlyqqa qarsy kúres agenttiginiń tóraǵasy Alık Shpekbaev málim etti, dep habarlaıdy QazAqparat tilshisi.

«Búginde tergeý jumystary aıaqtalyp, is qaralyp jatyr. Jaqyn kúnderi ispen tanysý jumysy da aıaqtalady. Sodan soń is sotqa jiberiledi», - dedi A. Shpekbaev tilshilerdiń suraqtaryna jaýap bere otyryp.

Onyń aıtýynsha, atalǵan uıymnyń burynǵy basshysyna aıyp qyzmetin asyra paıdalanǵany úshin taǵylyp otyr.

Eske sala ketsek, «SK- Farmatsııa»-nyń burynǵy basshysy Berik Shárip 2019 jyldyń tamyz aıynda elordada qamaýǵa alynǵan bolatyn.

«14 tamyzda sottyń sanktsııasymen kúdikti qamaýǵa alyndy. Kinálilik dárejesi týraly túpkilikti sheshimdi sot shyǵarady», - degen bolatyn QR Sybaılas jemqorlyqqa qarsy is-qımyl agenttigi birinshi departamentiniń asa mańyzdy ister jónindegi tergeýshisi Danııar Bıǵaıdarov.