«SK Farmatsııa» nomenklatýrasynyń 50 paıyzy - otandyq ónimder
Bul týraly Ortalyq kommýnıkatsııalar qyzmetindegi brfıng barysynda QR Densaýlyq saqtaý vıtse-mınıstri Lıýdmıla Bıýrabekova aıtty, dep habarlaıdy QazAqparat tilshisi.
Vıtse-mınıstrdiń aıtýynsha, Qazaqstannyń farmatsevtıkalyq naryǵy ımportqa táýeldi. Bul naryqtaǵy otandyq óndirýshilerdiń úlesi nebári 13 paıyzdy ǵana qurap otyr. Degenmen, otandyq medıtsınalyq preparattar óndirýshilerdi qoldaý maqsatynda qurylǵan Biryńǵaı dıstrıbıýtor «SK-Farmatsııa» kompanııasy olarmen 10 jylǵa uzaqmerzimdi kelisimshart jasasqan. Nátıjesinde otandyq óndirýshilerden preparattar men medıtsınalyq buıymdardy satyp alý kólemi birneshe esege artty.
«Búgingi tańda Biryńǵaı dıstrıbıýtor nomenklatýrasynyń 50 paıyzy otandyq dári-dármekter men medıtsınalyq buıymdardan turady», - dedi Lıýdmıla Bıýrabekova.
