«SK Farmatsııa» qyzmeti tekserilip jatyr

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi «SK Farmatsııa» JShS-nyń qyzmetine syrttaı saraptama jasaý isine kiristi. Bul týraly QR Sybaılas jemqorlyqqa qarsy is-qımyl agenttigi 1-shi departamenttiń aǵa tergeýshisi Qaısar Barjaqsynov aıtty, dep habarlaıdy QazAqparat tilshisi.

«Memleket basshysynyń tapsyrmasyn oryndaý aıasynda agenttik múddelimemlekettik organdardy, qoǵam ókilderi men sarapshylardy tarta otyryp, «SK Farmatsııa» JShS-niń qyzmetine syrttaı saraptama jasaý isin bastady», - dedi ol agenttiktiń baspasóz qyzmeti alańynda ótken brıfıng barysynda.

Onyń aıtýynsha, saraptama jasaý barysynda kompanııanyń normatıvtik-quqyqtyq bazasy jáne uıymdastyrýshylyq-basqarý qyzmeti jiti zerdelenetin bolady.

«Nátıjesinde el basshylyǵyna onyń qyzmet tıimdiligin arttyrý, uıymdastyrýshylyq qurylymyn ońtaılandyrý, bıznes-protsesterdi transformatsııalaý, jemqorlyq táýekelderdi joıý boıynsha naqty usynystar engiziledi», - dedi Qaısar Barjaqsynov.

Eske sala ketsek, Memleket basshysy Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda MÁMS qory men «SQ Farmatsııa» basshylaryn jumystan shyǵarýdy tapsyrǵan bolatyn.