«SK-Farmatsııa» kompanııasynyń burynǵy basshysynyń qamaýǵa alý merzimi uzartyldy
ASTANA. KazAqparat - «SK-Farmatsııa» kompanııasynyń burynǵy basshysy Maksım Kasatkındi qamaýǵa alý merzimi 15 qańtarǵa deıin uzartyldy, dep habarlaıdy «QazAqparat» HAA tilshisi.
«Astana qalasy, Almaty aýdanyna qarasty №2 soty kúdikti Maksım Kasatkınniń qamaýǵa alý merzimin 2018 jyldyń 15 qańtaryna deıin uzartty»,-dep jazylǵan astanalyq sottyń baspasóz qyzmeti taratqan habarlamada.
Buryn aıtylǵandaı, Maksım Kasatkın 2017 jyldyń 15 qyrkúıeginde ustalǵan bolatyn. Qazir quqyq qorǵaý organdary onyń 2015 jyly medıtsınalyq maqsattaǵa dári-dármekterdi satyp alýǵa baılanysty júrgizgen jumystarynyń zańdylyǵyn tekserý ústinde.
