«SK-Farmatsııa» elimizdiń barlyq óńirinde dári-dármek saqtaıtyn qoımalar uıymdastyrmaq
ASTANA. QazAqparat - «SK-Farmatsııa» JShS elimizdiń barlyq óńirinde dári-dármek saqtaıtyn qoımalar uıymdastyrmaq. Bul týraly búgin atalǵan seriktestiktiń keńeıtilgen otyrysy barysynda kompanııa basqarmasy tóraǵasynyń orynbasary Maksım Kasatkın aıtty.
«Astana men Almaty qalalarynda, oblys ortalyqtarynda dári-dármektiń azaımaıtyn qoryn qurý qajet. Bul másele keshendi sheshimderdi talap etedi. Birinshiden, búgingi kúni bizdegi aýtsorsıngte Almaty, Aqtóbe, Qaraǵanda, Qostanaı jáne Shymkent qalalarynda 5 negizgi qoıma bar. Osy qoımalarda biz tranzıttik qoımalardyń kómegimen respýblıkanyń barlyq basqa óńirlerine medıkamentterdi jetkizýdi qamtamasyz etemiz. 2016-2019 jyldary ishinde biz mundaı qoımany barlyq 16 óńirde qurýǵa nıettenýdemiz», - dedi ol.
M.Kasatkınniń aıtýynsha, atalǵan qoımalarda dári-dármekterdiń taýsylmaıtyn qory saqtalatyn bolady.
«Ekinshiden, josparlaý densaýlyq saqtaý uıymdarynda 2 aıǵa jetetindeı qor qalyptastyrý múmkinshiligimen júzege asyrylýy tıis», - dedi basqarma tóraǵasynyń orynbasary.
Úshinshiden, onyń sózine qaraǵanda, dári-dármektiń azaımaıtyn qoryn qalyptastyrý biryńǵaı dıstrıbıýtordyń qarjysy esebinen júzege asyrylýy qajet.
