«SK-Farmatsııa» dári-dármek satyp alý barysynda onlaın-translıatsııa ótkizdi
Tenderde 73,2 mlrd. teńge bolatyn taýardyń árqaısysynyń aqtyq baǵasy kórsetilgen, QR Densaýlyq saqtaý jáne áleýmettik qorǵaý mınıstrligimen bekitilgen 535 ataý jarııalandy. Tenderge qatysý úshin 45 kompanııa ótinish bergen.
«Bıylǵy tender shilde aıynda ótýde. Osyǵan baılanysty, dárilik zattar men medıtsınalyq buıymdardy medıtsınalyq uıymdarǵa jetkizý qańtar aıynan bastalýy kerek», - dedi «SK-Farmatsııa» JShS basqarýshy dırektory Nursultan Іzbaǵambetov.
Sonymen birge, ol preparattardyń máselen, onkologııalyq vaktsınalardyń shyǵarylý merzimi 4 aıdan 6 aıǵa sozylatynyn atap ótti. Sol sebepti, jańa jylǵa deıin daıyndap qana qoımaı, barlyq aýrýhanaǵa taratý úshin, jetkizýshilermen barlyq qajetti qujattarǵa qol qoıyp úlgerý úshin tender erterek ótkizilýde.
Halyqqa tegin medıtsınalyq qyzmet kórsetetin mekemelerge arnalǵan satyp alý qorytyndysy boıynsha, vırýs gepatıti, onkologııa, dıabet, týberkýlez, qan aýrýlary sekildi áleýmettik mańyzy bar aýrýlardy emdeý úshin dári-dármekter satyp alynady.
Tenderlik ótinimder ashý rásimi biryńǵaı dıstrıbıýtor saıtynda onlaın rejıminde translıatsııalandy.
Aıta keteıik, «SK-Farmatsııa» JShS 2009 jyly tegin medıtsınalyq kómektiń kepildik berilgen kólemi sheńberinde halyqqa biryńǵaı dıstrıbýtsııalaý fýnktsııasyn júzege asyrý úshin «Samuryq-Qazyna» qurylymy janynan ashyldy. 2013 jyly kompanııa QR Densaýlyq saqtaý jáne áleýmettik damý mınıstrligine berildi.