«SQ-Farmatsııa» basshysy Pfizer vaktsınasyn ákelý múmkindigi týraly aıtty
Pfizer, Moderna, AstraZeneca, Johnson & Johnson vaktsına óndirýshileriniń qaısymen kelissóz júrip jatyr? Ol kelissóz qandaı satyda? Ortalyq komaýnkatsııalar qyzmetinde ótken brıfıngide biryńǵaı dıstrıbıýter basshysyna osyndaı saýal qoıyldy.
«Atalǵan óndirýshilerdiń bárimen kelissóz júrgizilip jatyr. Jaǵymsyz oqıǵalarǵa baılanysty AstraZeneca boıynsha kelissóz toqtatyldy. Pfizer-men únemi kelissóz júrip jatyr. Biraq ázirge jetkizý kestesi bekitilgen joq jáne belgili bir talaptar qoıylyp otyr. Qalǵan vaktsınalar boıynsha kelissózdi Densaýlyq saqtaý mınıstrligi júrgizedi. Úkimetter deńgeıinde de hat almasý júrip jatyr. CoronaVac boıynsha Prezıdenttiń tapsyrmasynan keıin Qazaqstannyń Qytaıdaǵy elshiligi kómektesti. ıAǵnı, dıplomatılıaq arnalar deńgeıinde jumys júrip jatyr», - dedi Erhat Esqalıev.
Kompanııa basshysy Moderna, Johnson & Johnson vaktsınalary boıynsha kelissóz júrip jatqanymen, naqty nátıje joq ekenin rastady.
«Ázirge naqty nátıje joq. Bul jerde ónim kólemi joq jáne kestesi de bekitilmegen. «SQ-Farmatsııa» kelissózge tikeleı qatyspaıdy. Pfizer boıynsha biletinimiz, kez kelgen vaktsına óndirisiniń baǵdarlamasy naqty bir mólshermen shektelgen. Sheksiz keńeıte bere almaıdy ǵoı. AstraZeneca-men problemalar týyndaǵanda bári Pfizer-ge nazar aýdaryp ketti. Bul naryqtan aıqyn kórinip tur. Ázirge usynǵan kólem maquldanǵan joq jáne kelisimshartpen bekitilgen joq. Ázirge osyndaı satyda turmyz», - degen «SQ-Farmatsııa» basshysy «Spýtnık Laıt» boıynsha da jetkizý kestesi bekitilmegenin málim etti.
«Al SinoVac boıynsha 500 myń doza keste bekitilgen bolatyn. Ol jetkizildi de. Ázirge jańa kólem týraly málimet joq», - dedi Erhat Esqalıev.
