SK-Farmatsııa 62,5 mlrd teńgeniń dári-dármekterin satyp alady
ASTANA. QazAqparat - SK-Farmatsııa tegin dári-dármekterge 9 aılyq qajettilikti satyp alady, dep habarlaıdy «QazAqparat» HAA dári-dármekter satyp alý jónindegi Biryńǵaı dıstrıbıýtordyń baspasóz qyzmetine silteme jasap.
62,5 mlrd teńge somasyna dári-dármekterdiń 488 ataýy elimizdiń halqyn tegin qamtamasyz etý úshin toǵyz aılyq qajettilikti satyp alý jónindegi Biryńǵaı dıstrıbıýtor tenderi sheńberinde kórsetiledi. Búgingi kúni 2018 jylǵy 04 qańtarda dári-dármek zattarynyń áleýetti ónim berýshilerinen tenderlik ótinimderi bar konvertterdi ashý rásimi ótti.
Tender barysynda tegin medıtsınalyq kómektiń kepildi kólemi sheńberinde medıtsınalyq qyzmet kórsetetin statsıonarlar, sondaı-aq emhanalarda dıspanserlik esepte turatyn emdelýshilerdi ambýlatorlyq qamtamasyz etý úshin dári-dármekter men medıtsınalyq buıymdar satyp alynady.
Ashý rásimi barysynda ár ótinilgen ataýy boıynsha áleýetti ónim berýshilerden baǵa usynystary ataldy, bul satyp alýdyń aıqyndylyǵyn qamtamasyz etedi. Satyp alýdyń transparettiligin qamtamasyz etý úshin ashý rásimi satyp alý rásimderiniń basqa kezeńderi sııaqty Biryńǵaı dıstrıbıýtor saıtynda jáne Feısbýktiń resmı paraqshasynda naqty ýaqyt rejıminde kórsetiledi. Sonymen qatar buǵan mınıstrlik qyzmetkerleriniń tenderlik komıssııaǵa qatysýy jáne ÚEU men beıindi qaýymdastyqtar ókilderiniń baıqaýshylaryn tartý jáne áleýmettik jelilerdegi komıssııanyń jumysy týraly turaqty foto esepteri járdem bolady.
33 áleýetti ónim berýshi tenderlik qujattamasy bar ótinimder berdi. Endi, 18 qańtarǵa deıin Densaýlyq saqtaý mınıstrligi men «SK-Farmatsııanyń» negizgi qyzmetkerleri quramyndaǵy tenderlik komıssııa áleýetti ónim berýshiler usynǵan tenderlik qujattamany zerdeleıtin bolady jáne óz eskertýlerin aıtady, olardy farmkompanııalar 24 qańtarǵa deıingi merzimde túzete alatyn bolady. Tenderge qatysýǵa jiberilgender arasynda dári-dármek zattary men medıtsınalyq maqsattaǵy buıymdardyń tómendetilgen baǵalaryna degen aýktsıon 1 aqpanda ótkiziledi jáne qandaı kompanııalar respýblıkanyń halqyna tegin medıtsınalyq kómek kórsetýdiń kepildi kólemin kórsetý úshin dári-dármekterdi jetkizetin bolatyndyǵyn aıqyndaıdy. Aqpanda satyp alynǵan dári-dármekter Biryńǵaı dıstrıbıýtor qoımalaryna jetkizile bastalýy josparlanýda.
«SK-Farmatsııa» qoımalaryna 2017 jylǵy jeltoqsannan bastap-aq otandyq óndirýshilermen jasasqan sharttar sheńberinde 450 dári-dármek ataýy, tikeleı sharttar boıynsha shetel óndirýshilerden 94 preparat jáne orfandyq preparattarǵa tenderler nátıjeleri boıynsha satyp alynǵan 40 dári-dármek ataýy jetkizilgen bolatyn. Taǵy ıÝNISEF jáne BUUDB halyqaralyq uıymdarymen shart jasasý sheńberinde 15 dári-dármek ataýy jetkiziletin bolady.
Eske sala ketsek, 2017 jylǵy jeltoqsanda 90 kúndik qajettilikti qamtamasyz etý úshin bir kózden 328 dári-dármek pen medıtsınalyq buıym ataýy satyp alynǵan bolatyn.
