«SQ - Farmatsııa» 2014 jylǵa dárilik zattar men medıtsınalyq maqsattaǵy buıymdardy satyp alý naýqanyn bastady
ASTANA. 2 shilde. QazAqparat - Búgin elordada Biryńǵaı dıstrıbıýtor «SQ - Farmatsııa» JShS tegin dárilik zattar men medıtsınalyq maqsattaǵy buıymdardy satyp alý jónindegi tenderlik ótinishter salynǵan konvertterdi ashý rásimin bastady.
«Búgin biz dárilik zattar men medıtsınalyq maqsattaǵy buıymdardy 2014 jylǵa satyp alýdy bastadyq. Bizdiń protsedýra biregeı desek te bolady, ıaǵnı biryńǵaı destrıbıýter ony erekshe ótkizedi. Búkil TMD aýmaǵynda bizde ǵana ol 2 kezeńmen júrgiziledi», - dedi atalǵan kompanııanyń PR strategııalyq damý bóliminiń bastyǵy Marat Ábihalıev.
Onyń atap ótýinshe, konkýrsqa qatysý ótinimderi 20 kún boıy qabyldanǵan. Dárilik buıymdar men medıtsınalyq maqsattaǵy buıymdardyń 691 ataýyna 52 mlrd. teńge somasyna jarııalanǵan tenderge qatysý úshin 50 áleýetti jetkizýshi ótinish bergen. Tender ótkizý reglamentine sáıkes 10 kúnnen keıin aldyn ala kezeńniń qorytyndysy shyǵarylyp, áleýetti jetkizýshilerge qujattaryn ótkizý barysynda jibergen qatelikterin túzetýge ýaqyt beriledi.
«ıAǵnı, qatań elekten ótkizý joq. Eger áleýetti jetkizýshi biliktilik talaptarynda bolmashy qatelikter jiberetin bolsa, onda onyń qosymsha qajetti qujattardy usynyp, ótinimin túzetýge ári saı keltirýge múmkinshiligi bar», - dedi ol.
