«SQ-Farmatsııa» 150 mlrd teńgege dári-dármek satyp aldy
«26 aqpandaǵy jaǵdaı boıynsha 150 mıllıardtan astam teńgege dári-dármektiń 1 037 atalymy satyp alyndy. Bul medıtsınalyq uıymdar qajettiliginiń 88 protsentin, sonyń ishinde ambýlatorııalyq dárilik qamtamasyz etýdiń 85% quraıdy», - dedi «SQ-Farmatsııa» tóraıymy Lıýdmıla Buırabekova Ortalyq kommýnıkatsııalar qyzmetinde ótken baspasóz máslıhatynda.
Kompanııa mádimetterine sáıkes, satyp alynǵan preparattar men medıtsınalyq buıymdardyń 934 atalymy biryńǵaı dıstrıbıýtordyń qoımasyna jetkizildi. Bul satyp alynǵan kólemniń 90%-in quraıdy. Onyń 361-i ADQ qoımalarynan halyqqa tegin dári-dármek taratatyn medıtsınalyq jáne dárihanalyq uıymdarǵa jetkizilip jatyr.
Basqarýshy dırektor Gúlnár Omarovanyń aıtýynsha, qazirgi ýaqytta Qazaqstan boıynsha 13 mıllıardtan astam teńgege dári-dármek taratylǵan. Dári-dármekti jetkizý naýryz aıyna deıin jalǵasady. Dári-dármektiń taǵy 15 atalymy mamyr aıynda ıÝNISEF pen BUU Damý baǵdarlamasy arqyly «SQ-Farmatsııa» qoımasyna jetkiziledi.
Biryńǵaı dıstrıbıýtor tiziminde dárilik zattar men medıtsınalyq maqsattaǵy buıymdardyń 1192 atalymy bar. L. Buırabekovanyń aıtýynsha, bıyl dárilik qamtamasyz etýdi ortalyqtandyrý arqyly 20 mıllıard teńgeni únemdeledi. Bul qarajatqa qajetti preparattardy satyp alýǵa bolady.
Aıta keteıik, «SK-Farmatsııa» kompanııasy 2009 jyly qurylǵan. Bas kezinde ol «Samuryq-Qazyna» qorynyń quramynda boldy. Al 2013 jyly QR Densaýlyq saqtaý mınıstrliginiń qaramaǵyna kóshti. Atalǵan kompanııa tegin medıtsınalyq kómek aıasynda dári-dármekterdi satyp alý jumysymen aınalysady.
