SIZO-50-den qashyp ketken qylmysker Edil Ábdirahmanov ustaldy
ASTANA. QazAqparat - SIZO №50-den qashyp ketken Edil Ábdirahmanov ustaldy. Bul týraly beısenbi kúni ІІM baspasóz qyzmeti máálim etti, dep habarlady KırTAG.
«Shý aýdany jáne Bishkek QІІB qyzmetkerleri Shý oblysy Alamýdýn aýdany aýmaǵynan Ala-Too aýylynyń mańyndaǵy egistikten E. Ábdirahmanovty ustady. Endi qashyp ketken toǵyz qylmyskerdiń bireýi ǵana erkindikte júr. Ony izdestirý jalǵasýda», - dep habarlady ІІM.
Eske sala ketsek, 12 qazanǵa qaraǵan túni toǵyz jazasyn óteýshi Shý oblysy SIZO-50 kolonııasynan qashyp ketken. Olar qashar aldynda úsh qyzmetkerdi býyndyryp óltirip, bireýine aýyr dene jaraqatyn salǵan (keıinnen ol da kóz jumdy).
Qashqyndardyń beseýi sol kúni ustaldy, olardyń úsheýi «aýyr dertten» mezgilsiz qaıtys boldy .
Tórteýi boı tasalap úlgerdi. Olardyń ekeýi ustaǵan ýaqytta óltirildi.
