Sizdiń bastamańyz, qoldaýyńyz, jebeýińizdiń arqasynda búgingi kúni Qazaqstan - tez damyp kele jatqan memleketterdiń biri - QR Prezıdentine quttyqtaýlar
ASTANA. Shildeniń 10-y. QazAqparat - Memleket basshysynyń atyna áli de quttyqtaý hattary kóptep túsýde, dep habarlaıdy QR Prezıdentiniń baspasóz qyzmeti.
«Biz óz elimizde Sizdeı bedeldi kóshbasshy barlyǵymen maqtanamyz, - dep jazady Almatydan ujymy atynan «S.M.Kırov atyndaǵy mashına jasaý zaýyty» AQ-nyń bas dırektory K.Ýsenko. - Biz Sizdiń qarapaıym eńbek ujymynan shyǵyp, laıyqty ómir súretin jáne eńbek etetin myqty memleket qurǵanyńyzdy maqtan etemiz».
Memleket basshysyn ózderiniń eńbek ujymdary atynan «Bogatyr Kómir» BK bas dırektory V.Şýkın, Stepnogorsk taýken-hımııa kombınatynyń bas dırektory Vıktor Beloýsov quttyqtapty. Quttyqtaýlar sondaı-aq Óskemennen «Kaztsınk» JShS basshylary - prezıdenti Nıkolaı Popovıchten, basqarma tóraǵasy Álıdar Ótemuratovtan jáne dırektorlar keńesiniń tóraǵasy Gennadıı Zılberbergten, sonymen qatar «ArselorMıttal Qazaqstan» AQ-nyń úkimetpen jumysty úılestirý jónindegi dırektory Arman Qashqynbekovten keldi.
«Bizdiń bárimiz ártúrli istermen aınalysýdamyz, alaıda bizdi ortaq Otanymyz biriktiredi, - dep jazady «Pavlodarlıft» JShS ujymy atynan V.Kotov. - Sizdiń bastamańyzdyń, qoldaýyńyzdyń, kómegińizdiń arqasynda, Qazaqstan búginde álemniń eń jyldam damýshy eliniń birine aınaldy».
