Sizderdi EKSPO-2017 kórmesiniń ıesi retinde Astana qalasynda qarsy alýǵa úmittenemiz - Ó.Shókeev
ASTANA. 24 qarasha. QazAqparat - 22-23 qarasha kúnderi Parıjde Halyqaralyq kórme bıýrosy bas Assambleıasynyń 150-shi sessııasy boldy.
Halyqaralyq kórme bıýrosynyń Mereıtoılyq Assambleıasynda Qazaqstan delegatsııasy Halyqaralyq mamandandyrylǵan EXPO-2017 kórmesin ótkizýge úmitker elderdiń biri retinde qatysty.
QazAqparat QR SІM baspasóz qyzmetine silteme jasaı otyryp Qazaqstan delegatsııasynyń basshysy, elimizdiń birinshi vıtse-premeri Ómirzaq Shókeevtiń sóılegen sózin jarııalaıdy:
Prezıdent myrza,
Bas hatshy myrza,
Hanymdar men myrzalar,
Halyqaralyq kórme bıýrosyna múshe 157 eldiń qurmetti ókilderi!
Men osy sátti paıdalana otyryp Qazaqstan úkimeti men halqynyń Astana qalasyn EKSPO-2017 kórmesin ótkizý ortalyǵy retindegi úndeýin jarııa etemin.
Sońǵy 20 jyl ishinde biz Astana qalasynyń aımaqtyq aýyl sharýashylyq ortalyǵynan álemdik deńgeıdegi elordaǵa aınalǵanyn kórdik.
Búkil álem úshin Astana Eýropa, Ortalyq Azııa, Reseı, Qytaı jáne alys Shyǵystaǵy naryqtar arasyndaǵy yqpaldastyq pen yntymaqtastyqtyń sımvolyna aınaldy.
EKSPO-20417 kórmesin elimizde ótkizý maqsatymyz ben talpynysymyz bizdiń halyqtarymyz arasyndaǵy saýda jáne mádenı baılanystardy alǵa jyljytý úshin birlese jumsaıtyn kúsh jigerimzdi biriktirý nıetine negizdeledi.
Biz elimizdiń jańa elordasy - Astana qalasynda Sizderdi EKSPO-2017 kórmesiniń ıesi retinde qarsy alýǵa úmittenemiz.
