Siz júrý, estý, kórý jáne sóıleý qıyndyqtaryn sezinesiz be – Canaqta qandaı suraqtar qamtylǵan

NUR-SULTAN. QazAqparat – Ulttyq statıstıka bıýrosynyń basshysy Nurbolat Aıdapkelov Halyq sanaǵynda turǵyndardyń aldynan shyǵatyn turmys-tirshiliktiń shekteýleri jaıly saýaldardyń ne úshin ekerilgenin túsindirdi, dep habarlaıdy QazAqparat tilshisi.

«Onlaın sanaq kezinde turmys-tirshiliktiń shekteýleri degen tarmaqtaǵy saýaldar qyzý talqylandy. Nelikten kórý, estý, júrý jáne este saqtaý kórsetkishteri engizildi? Aıta keteıik, bul suraq aldyńǵy sanaqta da qoıylǵan. Biraq basqa formada berildi. 2009 jylǵy halyq sanaǵynyń «Siz júrý, estý, kórý jáne sóıleý qıyndyqtaryn sezinesiz be?» degen jalpylama suraǵy qıyndyq túrleri boıynsha qajetti aqparatty alýǵa múmkindik bermedi», - dep túsindirdi Aıdapkelov.

Onyń sózinshe, 2021 jylǵy sanaq paraǵyna engizilgen turmys-tirshiliktiń shekteýleri suraqtaryn múgedektik statıstıka jónindegi Vashıngton toby usynǵan kórinedi.

«Bul bólimde 5 suraq bar, munda turǵyndarǵa densaýlyǵyna baılanysty belgili bir áreketterdi oryndaý kezinde kúndelikti ómirde kezdesetin qıyndyqtardy baǵalaý usynylady. Halyq sanaǵynyń qorytyndysy boıynsha múgedekter men ómir súrýinde úlken qıyndyqtar men shekteýleri bar, biraq medıtsınalyq mekemelerge júginbegen, sondyqtan aǵymdaǵy statıstıkada kórsetilmegen adamdardyń sany týraly derekter alynady. Sonymen qatar, nátıjeler Ulttyq baǵdarlamalar men múgedekterdiń quqyqtary jónindegi konventsııa sheńberinde odan ári zertteýler júrgizý úshin irikteýler qalyptastyrýǵa múmkindik beredi»,- dedi Nurbolat Aıdapkelov.