«Siz sóılemeı-aq qoıyńyzshy!» - Sáken Maıǵazıev
ASTANA. 4 shilde. QazAqparat - Búgin «Mega» OSO-da baspasóz máslıhatyn ótkizgen «MýzArt» tobynyń múshesi Sáken Maıǵazıev top músheleriniń attaryn ataı almaı, tili buratylyp turǵan baspasóz ortalyǵy qyzmetkerine osylaı dep ázildedi.
Atalmysh baspasóz máslıhaty 6 shilde - Astana kúninde «Qazaqstan» kontsert zalynda «MýzArt» tobynyń beretin kontsertine baılanysty boldy.
Jýrnalısterdiń suraqtaryna jaýap bergen Meırambek Besbaev jaqynda úsh dombyrashydan quralǵan «Tartý» atty top quryp, sol top arqyly kúı janryna kóbirek nazar aýdara bastaǵanyn málimdedi. «Men ózimdi keremet kúıshimin dep ataı almaımyn. Degenmen osy topty qurý arqyly qazaqtyń kúmbirlegen kúıine az da bolsa qyzmet qylsam deımin», - dedi ol.
Ánshiler josparlanyp otyrǵan kontsertte tek halyqtyń yqylasyna bólengen ári eski, ári esti ánder shyrqalatynyn basa aıtty. Degenmen, qorjyndarynda jańa ánderdiń de joq emes ekendigin jasyrǵan joq. Tyńdarman qaýym olardy kontsertte tyńdap, óz baǵasyn bere alady.
«MýzArt» toby sol kúni saǵat 16.00-de jáne 20.00-de eki kontsertti qatarynan beredi. Bıletter quny 3 myńnan 12 myń teńge aralyǵynda belgilengen. Olardy satý jumystaryn Astana qalasynyń ákimdigi uıymdastyrýda.
