Sıyrdyń ornyna jylqy etin satqan alaıaqtardyń soty ótýde
ASTANA. QazAqparat - Dúısenbi kúni Parıjde jylqy eti ónimderin birshama qymbat sıyr eti dep tańbalap satqan tórt tulǵaǵa qatysty sot otyrysy bastaldy, dep habarlaıdy QazAqparat AssociatedPress agenttigine silteme jasap.
Úsh aptaǵa sozylatyndyǵy boljanyp otyrǵan sot protsesindegi aıyptylardyń qatarynda frantsýzdyq Spanghero kompanııasynyń burynǵy eki basshysy men gollandyq eki et satýshy bar. Olardyń barlyǵyna klıentteri men tutynýshylardy qasaqana aldady degen aıtyp taǵylǵan. Kinálary dáleldengen jaǵdaıda 10 jylǵa deıin bas bostandyqtarynan aıyrylady. Kúdiktiler 2012 jyldyń qańtarynan 2013 jyldyń aqpanyna deıingi aralyqta óz qýlyqtaryn júzege asyrýy múmkin.
Munan bólek, eki frantsýzǵa "sıyr eti" dep tańbalanǵan 538 tonna jylqy etin satty degen aıyp taǵylyp otyr. Muzdatylǵan ónim túrindegi jylqy eti búkil Eýropa elderinde saýdalanǵan. Sonymen qatar aıyptalýshylar et ónimderin frantsýzdyq etten jasalǵan dep te aldaýy, ony Rýmynııa,Belgııa nemese Kanadadan jetkizýi múmkin.
Et tóńiregindegi daý-damaı 2013 jyly Ulybrıtanııada bastalyp, búkil Eýropa elderine taraǵan bolatyn. Sebebi muzdatylǵan taǵam quramynda jylqy eti anyqtalǵan edi. Osydan keıin Ulybrıtanııa, Irlandııa, Frantsııa, Germanııa, Danııa, Fınlıandııa, Shvetsııa men Norvegııa dúkenderiniń sórelerinen mıllondaǵan ónim alynyp tastaldy. Al sýpermarketter men azyq-túlik ónimderin jetkizýshilerge sıyr etinen jasalǵan ónimderdiń quramynda jylqy etiniń DNK-siniń bar-joǵyn anyqtaýǵa nusqaýlyq berilgen.
