«Sıyr jyly» kollektsııalyq monetasy aınalymǵa shyǵady

NUR-SULTAN. QazAqparat - Qazaqstan Ulttyq banki búginnen bastap nomınaly 500 teńgelik altyn men kúmisten «Shyǵys kúntizbesi» monetalar serııasynan «Sıyr jyly» kollektsııalyq monetasyn aınalymǵa shyǵarady. Bul jóninde banktiń baspasóz qyzmetine silteme jasap QazAqparat habarlaıdy.

Monetalar 8 qyrkúıekten bastap satylymǵa túsedi.

Olardy Qazaqstan Ulttyq bankiniń barlyq aýmaqtyq fılıaldarynan, sondaı-aq Ulttyq banktiń ınternet-dúkeni arqyly satyp alýǵa bolady.

Moneta dızaınynda «Shyǵys kúntizbesi» sýburqaǵynyń (Almaty) músin kompozıtsııasynyń beınesi paıdalanyldy. Músin kompozıtsııasynyń avtorlary: Qazaqstannyń eńbek sińirgen óner qaıratkeri, sýretshi-monýmentalıst V. Tverdohlebov A. Tatarınov jáne V. Katsev.

Monetalardyń aversinde aspan álemindegi juldyzdar kartasynda juldyzdar shoǵyrynyń mıfologııalyq sımvoldary jáne moneta daıyndalǵan metaldy, onyń synamy men massasyn bildiretin jazý beınelengen. Monetany aınaldyra «QAZAQSTAN RESPÝBLIKASY» jáne «REPUBLIC OF KAZAKHSTAN» degen jazýlar, kúnniń stıldendirilgen beınesi jáne monetanyń nomınaly beınelengen.

Monetalardyń reversinde ortalyq bóliginde shyǵys kúntizbesi boıynsha 2021 jyldyń sımvoly – sıyr beınelengen. Monetany aınaldyra «2021», «ShYǴYS KÚNTІZBESІ», «VOSTOChNYI KALENDARЬ» jáne «ORIENTAL CALENDAR» degen jazýlar jazylǵan. Monetalardyń ishki jaǵynda shyǵys kúntizbesiniń qalǵan on bir sımvoly ornalasqan.

Altyn jáne kúmis monetalar on eki qyrly jáne olardyń bet jáne syrt jaǵyndaǵy beıneleri birdeı.

Nomınaly 500 teńgelik kollektsııalyq monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.

Kollektsııalyq moneta Qazaqstan teńge saraıynda daıyndalǵan.